પ્રધાનમંત્રી  નરેન્દ્રભાઈ મોદીની ગરીમામય ઉપસ્થિતિમાં કેન્દ્રીય જળમંત્રી અને ગુજરાત પ્રદેશ ભાજપ અધ્યક્ષ સી.આર. પાટીલના દિલ્હી સ્થિત નિવાસ્થાન ખાતે આયોજીત સ્નેહમિલન કાર્યક્રમમાં ધારાસભ્ય અર્જુન મોઢવાડિયા ઉપસ્થિત રહ્યા હતા.આ નિમિત્તે કેન્દ્રિય ગૃહ અને સહકારમંત્રી અમિતભાઈ શાહ, ભારતીય જનતા પાર્ટીના રાષ્ટ્રીય અધ્યક્ષ અને કેન્દ્રીય જે.પી. નડ્ડા, મુખ્યમંત્રી  ભુપેન્દ્રભાઈ પટેલ સહિત કેન્દ્રીય મંત્રીઓ, સાંસદો, ગુજરાત સરકારના મંત્રીઓ અને ધારાસભ્યો સાથે પોરબંદરના ધારાસભ્ય અર્જુનભાઈ મોઢવાડિયાએ મુલાકાત કરી સંવાદ કર્યો હતો.