લોકસભા ચૂંટણી માટે લાગેલા ઝટકામાંથી બહાર આવ્યા બાદ ઇન્ડિયા ગઠબંધન ફરીથી પાટા પર આવી રહ્યું હોય તેવું લાગી રહ્યું છે. તેની શઆત ઉત્તર પ્રદેશથી થઈ છે. યુપીની ૮૦ સીટો પર સમાજવાદી પાર્ટી અને કોંગ્રેસ વચ્ચે સીટોની વહેંચણીની જાહેરાત કરવામાં આવી હતી. યુપીની ૮૦ લોકસભા સીટોમાંથી કોંગ્રેસ ૧૭ સીટો પર ચૂંટણી લડશે. બાકીની ૬૩ બેઠકો પર સપા અને અન્ય સાથી પક્ષો ચૂંટણી લડશે. આ પછી કુલ ૨૨૧ લોકસભા સીટો પર ઈન્ડિયા એલાયન્સના સિંગલ ઉમેદવારો ઉભા જોવા મળી રહ્યા છે. દિલ્હીની સાત બેઠકો પર એક–બે દિવસમાં નિર્ણય આવે તેવી શકયતા છે. જો દિલ્હીમાં કોંગ્રેસ અને આપ વચ્ચે સમજૂતી થાય છે તો ઈન્ડિયા એલાયન્સની સિંગલ ઉમેદવાર સીટોની સંખ્યા ૨૨૮ પર પહોંચી જશે.

ઇન્ડિયા ગઠબંધનને કેટલાક સમયથી આંચકાઓ મળી રહ્યા હતા. પશ્ચિમ બંગાળ, જમ્મુ અને કાશ્મીર, પંજાબ અને કેરળમાં ગઠબંધનની સિંગલ ઉમેદવાર ફોમ્ર્યુલા નિષ્ફળ ગઈ છે. કોંગ્રેસ મહાસચિવ પ્રિયંકા ગાંધી અને સપા પ્રમુખ અખિલેશ યાદવ વચ્ચેની વાતચીત બાદ બંને પક્ષો વચ્ચે બેઠકો અંગે સમજૂતી થઈ હતી. દિલ્હીને લઈને હજુ પણ દુવિધા છે. સૂત્રોનું કહેવું છે કે કોંગ્રેસ માટે ત્રણ બેઠકો અને આપ વચ્ચે ચાર બેઠકો પર ચૂંટણી લડવા માટે સૈદ્ધાંતિક સમજૂતી થઈ છે. બેઠકોના નામને લઈને મૂંઝવણ છે. એક–બે દિવસમાં નિર્ણય લેવામાં આવી શકે છે.

યુપીમાં આ સીટો કોંગ્રેસને જશે
રાયબરેલી, અમેઠી, કાનપુર નગર, ફતેહપુર સિકરી, બાંસગાંવ, સહારનપુર, પ્રયાગરાજ, મહારાજગંજ, વારાણસી, અમરોહા, ઝાંસી, બુલંદશહર, ગાઝિયાબાદ, મથુરા, સીતાપુર, બારાબંકી, દેવરિયા.

મહારાષ્ટ્ર્રમાં જાહેરાત બાકી
મહારાષ્ટ્ર્રમાં કોંગ્રેસ, એનસીપી શરદ પવાર અને શિવસેના ઉદ્ધવ ઠાકરે વચ્ચે બેઠકોની વહેંચણીને લઈને વાટાઘાટોના અનેક રાઉન્ડ થયા છે. મુદ્દો ઉકેલાઈ ગયો છે પરંતુ હજુ ઔપચારિક જાહેરાત થવાની બાકી છે.

બિહાર–ઝારખંડમાં કોઈ સમસ્યા નહીં
બિહારમાં કોંગ્રેસ–આરજેડી અને ઝારખંડમાં કોંગ્રેસ, જેએમએમ અને આરજેડી વચ્ચે ગઠબંધન છે. બંને રાયોમાં સાથી પક્ષો રાહત્પલની ભારત જોડો ન્યાય યાત્રામાં જોડાયા છે. અહીં બહત્પ સમસ્યા નથી. બીજી તરફ તમિલનાડુમાં ડીએમકે અને કોંગ્રેસ વચ્ચે ગઠબંધન અકબધં છે. ત્યાં કમલ હાસનની પાર્ટીને સાથે લાવવાના પ્રયાસો કરવામાં આવી રહ્યા છે. તેમને લોકસભા કે રાયસભામાં સ્થાન આપવાની ચર્ચા ચાલી રહી છે