ભાવનગર મહાનગર પાલીકા દ્વારા શહેરમાં હાલ ચાલી રહેલા જુદા જુદા વિકાસ કામોમાં  અડચણ‚પ દબાણો અંગે મહાપાલિકાના ડેપ્યુટી કમિશ્નર દ્વારા એસ્ટેટ વિભાગ અને દબાણ હટાવ સેલની ટીમ ઉપરાંત મહાપાલીકાના જુદા જુદા વિભાગીય વડાઓને સાથે રાખી નિરીક્ષણ કરવામાં આવ્યું હતું, જેમાં  ચિત્રા ફુલસર વોર્ડના મસ્તરામ મંદિરથી ફિલ્ટરની ટાંકી સુધીના ૨૪ મીટરના રોડ માં આવતા ૩ ધાર્મિક સ્થાનકોનું દબાણ, અંબેમા ચોક થી બાળ અદાલત સુધીના રોડમાં આવતા ૧૩ રહેણાકીય દબાણ, હિલ પર ચોકડીથી સીદસર ગામ ના રસ્તા પર આવેલ બે ધાર્મિક દબાણ, સિંધુનગર વિસ્તારમાં મનપા ના રોડ ની જગ્યામાં આવેલ ૧૯ રહેણાકીય દબાણ સહીતના સ્થળોની વિગતો પણ મેળવી હતી. ઉલ્લેખનીય છે કે, મહાપાલીકા તંત્ર દ્વારા ઉપરોક્ત વિસ્તારોના દબાણો અંગે જે-તે દબાણકર્તાઓને અગાઉ નોટીસ આપી દબાણ હટાવી લેવા સુચનો કરવામાં આવ્યા હતા, પરંતુ હજુ સુધી દબાણો હટ્યા ન હોય ર્તંત્રએ તમામ દબાણો હટાવવા માટે તખ્તો તૈયાર કરી દીધો હોવાનું જાણવા મળ્યું હતું.