આજે બપોરે લગભગ 1:30 વાગ્યે આતંકવાદીઓએ ભારતીય સેનાના વાહન પર ગોળીબાર કરીને હુમલો કર્યો હતો. આ ઘટના સુંદરબનીથી લગભગ 6 કિમી દૂર પાંડવો દ્વારા બાંધવામાં આવેલા ઐતિહાસિક ગંધેહ મંદિરની બાજુમાં આવેલા જંગલ વિસ્તારમાં બની હતી.

હુમલા બાદ તરત જ આ વિસ્તારને ઘેરી લેવામાં આવ્યો છે. ઘટનાસ્થળે વધારાની ફોર્સ મોકલવામાં આવી છે. આતંકવાદીઓને પકડવા માટે મોટા પાયે સર્ચ ઓપરેશન શરૂ કર્યું છે.

સૂત્રો પાસેથી મળેલી માહિતી અનુસાર, આ ઘટનામાં ભારતીય સેનાના કોઈપણ સૈનિકના જાનહાનિ કે ઈજાની કોઈ પુષ્ટિ નથી. તે જ સમયે, ભારતીય સેના અને સુરક્ષા દળોએ આ વિસ્તારમાં કાર્યવાહી શરૂ કરી દીધી છે, પરંતુ આ ઘટના અંગે હજુ સુધી કોઈ સત્તાવાર નિવેદન કે પુષ્ટિ કરવામાં આવી નથી. આ ઘટના બાદ, સુરક્ષા દળો દ્વારા વિસ્તારમાં સર્ચ ઓપરેશન હાથ ધરવામાં આવી રહ્યું છે અને તમામ પાસાઓ પર તપાસ ચાલી રહી છે.

આ પહેલાં 7 ફેબ્રુઆરીએ માહિતી સામે આવી હતી કે ભારતીય સેનાએ 7 પાકિસ્તાની ઘુસણખોરોને ઠાર માર્યા હતા. તેમાં ત્રણ પાકિસ્તાની સેનાના સૈનિકો પણ સામેલ હતા.