મહાપાલિકાના એસ્ટેટ વિભાગ અને દબાણ હટાવ સેલની ટીમ દ્વારા આજે શહેરના નવાપરા, રસાલા કેમ્પ વિસ્તારમાંથી આવેલી રજુઆતના પગલે દોડી જઈ રોડ પરના અસ્થાઈ દબાણો હટાવવાની કાર્યવાહી હાથ ધરી હતી. જે દરમિયાન સ્થાનીકો દ્વારા તંત્રની ટીમને તેઓએ કોઈપણ પ્રકારનું દબાણ ન કર્યું હોવાનું રોષ પૂર્વક જણાવતા વાતાવરણમાં ગરમાવો આવ્યો હતો, અને સ્થળ પર લોકોના ટોળા ઉમટ્યા હતા. જો કે, એસ્ટેટ વિભાગના વડા દ્વારા રજૂઆત કરનારને પોતાને આધાર પૂરાવાઓ સાથે મહાપાલિકા કચેરીએ રજૂ કરવાનું જણાવ્યું હતું, દરમ્યાન ટીમ દ્વારા રોડ પર મુકવામાં આવેલ લારી તેમજ ગલ્લા સહીતના અસ્થાઈ દબાણો દૂર કરી એક સ્થળે પતરાંની બનાવી લેવાયેલી કેબીન દૂર કરી હતી. તો, રોડ પર અડચણ‚પ મુકવામાં આવેલ કાર સહીતના વાહનોને લોક ઠપકારી દંડની વસૂલાત  કરી હતી.