ઠંડીના પ્રમાણમાં ઘટાડાનો ગઈકાલથી શ થયેલો સિલસિલો આજે આગળ વધ્યો છે. રાજકોટ સહિત રાયભરના મોટાભાગના વિસ્તારોમાં લઘુતમ તાપમાનનો પારો ઉચકાયો છે અને તેના કારણે ઠંડીનું પ્રમાણ ઘટું છે. ઇન્ડિયન મેટ્રોલોજીકલ ડિપાર્ટમેન્ટના સત્તાવાર સાધનોના જણાવ્યા મુજબ હજુ આગામી બે દિવસ સુધી ઠંડીના પ્રમાણમાં ઘટાડાનો અને લઘુતમ તાપમાનમાં વધારાનો સિલસિલો ચાલુ જ રહેશે અને ત્યાર પછી ફરી શિયાળા સીઝનમાં ઠંડીનો વધુ એક રાઉન્ડ શ થશે.
ઠંડીના ઘટાડાની સમગ્ર રાયમાં સૌથી વધુ અસર પોરબંદરવાસીઓએ અનુભવી છે. પોરબંદરમાં ગઈકાલે લઘુતમ તાપમાન ૧૬.૨ ડિગ્રી હતું અને ભેજવાળા વાતાવરણના કારણે લોકો ફલ ગુલાબી ઠંડીનો અહેસાસ કરતા હતા. પરંતુ આજે સવારે એકાએક લઘુતમ તાપમાનમાં સાત ડિગ્રી જેટલો વધારો થતાં ઠંડી ગાયબ થઈ ગઈ છે અને તેનું સ્થાન ગરમી એ લઈ લીધું છે. પોરબંદરમાં આજે વાતાવરણમાં ભેજનું પ્રમાણ ૪૩% રહેવા પામ્યું છે.
હવામાન ખાતાના સત્તાવાર સાધનોના જણાવ્યા મુજબ પોરબંદરમાં શિયાળાની સિઝનમાં અત્યારે જે લઘુતમ તાપમાન હોવું જોઈએ તેના કરતાં ૫.૫ ડિગ્રી વધુ છે. જોકે આવું એક માત્ર પોરબંદરમાં જ નથી. સુરતમાં ૪.૯ દીવમાં ૭.૪ વેરાવળમાં ૪.૪ અને રાજકોટમાં ૧.૪ ડિગ્રી તાપમાન વધુ છે.
અન્ય શહેરોની વાત કરીએ તો ભુજમાં ગઈકાલે ૧૫.૮ અને આજે ૧૭.૪ ડિગ્રી લઘુતમ તાપમાન નોંધાયું છે. નલિયામાં ગઈકાલની સરખામણીએ આજે ત્રણ ડીગ્રી તાપમાન વધ્યું છે અને આજનું લઘુતમ તાપમાન ૧૫ ડિગ્રી રહેવા પામ્યું છે.
રાજકોટમાં આજે લઘુતમ તાપમાન ૧૭.૫ ડિગ્રી છે જે ગઈકાલ કરતા બે ડિગ્રી વધુ છે. વેરાવળમાં પણ બે ડિગ્રી તાપમાન ઐંચકાયું છે અને આજે ૨૩.૫ ડિગ્રી રહેવા પામ્યું છે. ઓખામાં લઘુતમ તાપમાન સમગ્ર રાયમાં સૌથી ઐંચું ૨૩.૯ ડિગ્રી નોંધાયું છે. જો કે તે ગઈકાલના લઘુત્તમ તાપમાન કરતા માત્ર અડધો ડિગ્રી વધુ છે.
અમરેલીમાં ઠંડી વધી છે. ગઈકાલે ૧૭.૪ અને આજે ૧૬.૪ ડિગ્રી લઘુતમ તાપમાન રહ્યું છે. ભાવનગરમાં આજે ૨૦.૯ અને ગઈકાલે ૧૮.૭ ડીગ્રી લઘુતમ તાપમાન રહેવા પામ્યું છે. દ્રારકામાં ગઈકાલે ૧૯.૫ અને આજે ૨૧.૧ ડિગ્રી લઘુતમ તાપમાન રહ્યું છે.
અમદાવાદમાં એક ડીસામાં દોઢ ડિગ્રી લઘુતમ તાપમાનમાં વધારો થયો છે અને તે સાથે આ બંને શહેરોનું આજનું લઘુતમ તાપમાન અનુક્રમે ૧૯.૮ અને ૧૬ ડીગ્રી રહેવા પામ્યું છે. સુરતમાં બે ડિગ્રીના વધારા સાથે આજે ૨૩.૧ ડિગ્રી લઘુત્તમ તાપમાન રહ્યું છે.