આપણા દેશમાં શિક્ષકોના સન્માન માટે દર વર્ષે 5 સપ્ટેમ્બરના દિવસને શિક્ષક દિવસ તરીકે ઉજવવામાં આવે છે. સમગ્ર વિશ્વમાં 5 ઓક્ટોબરના રોજ શિક્ષક દિવસની ઉજવણી કરવામાં આવે છે પરંતુ ભારતમાં આ દિવસ 5 સપ્ટેમ્બરના રોજ ભારતના પ્રથમ ઉપરાષ્ટ્રપતિ અને બીજા રાષ્ટ્રપતિ ડૉ. સર્વપલ્લી રાધાકૃષ્ણનની જન્મજયંતિની યાદમાં ઉજવવામાં આવે છે.

ડૉ. સર્વપલ્લી રાધાકૃષ્ણનની જન્મજયંતિનું પ્રતીક

ડૉ.રાધાકૃષ્ણન એક વિદ્વાન, શિક્ષક અને પ્રખ્યાત ફિલસૂફ પણ હતા. તેમનો જન્મ 5 સપ્ટેમ્બર 1888ના રોજ તિરુટ્ટનીમાં થયો હતો. તેમને દેશના સર્વોચ્ચ નાગરિક સન્માન "ભારત રત્ન"થી નવાજવામાં આવ્યા હતા. તેમણે શિક્ષણ ક્ષેત્રે કરેલા કાર્યોને ધ્યાનમાં રાખીને 5મી સપ્ટેમ્બરે શિક્ષક દિનની ઉજવણી કરવાનું નક્કી કરાયું હતું. ત્યાર લઈને દર વર્ષે 5મી સપ્ટેમ્બરે શિક્ષક દિનની તરીકે ઉજવવામાં આવે છે. વિદ્યાર્થીઓ આ દિવસને તહેવારની જેમ ઉજવે છે અને તેમના શિક્ષકોનું સન્માન કરે છે.