જામનગરમાં મહિલા ટપાલીનો થેલો ચોરી કરનાર ટાબરીયાની અટક

April 29, 2025 11:57 AM

સીસી ફુટેજના આધારે ભેદ ખુલ્યો : બે મોબાઇલ જપ્ત કરાયા

જામનગરમાં મહિલા ટપાલીનો બે મોબાઇલ અને ટપાલ સાથેનો થેલો ચોરી થયો હતો જે અંગે સીસી ફુટેજના આધારે તપાસ કરીને એક ટાબરીયાની અટકાયત કરી બે મોબાઇલ જપ્ત કરાયા છે.

જામનગરના પટેલ કોલોનીમાં રહેતા મુળ કેશોદના વતની પુજાબેન બાલુભાઇ ગળચર ગત તા. ૨૫-૪-૨૫ના રોજ તેણી પોસ્ટ ઓફીસમાં નોકરી કરતા હોય આથી એકટીવમાં આગળના ભાગે સરકારી ટપાલો અને સરકારી ઓફીસનો એક મોબાઇલ તથા એક અન્ય મોબાઇલ થેલામાં રાખીને મોટરસાયકલ પાર્ક કરી ટપાલ દેવા ગયા હતા અને પરત આવતા બેગ ગાયબ થઇ ગઇ હતી આથી તેણીએ સીટી-એ ડીવીઝનમાં અજાણ્યા શખ્સ સામે બેગ ચોરી કરી ગયાની ફરીયાદ નોંધાવી હતી.

જેના આધારે સીટી-એ ડીવીઝનના પીઆઇ ચાવડાના માર્ગદર્શન હેઠળ સ્ટાફ દ્વારા તપાસ આદરવામાં આવી હતી, બાતમીદારો તથા કમાન્ડ ક્ધટ્રોલના ફુટેજના આધારે સંયુકત તપાસ કરતા ફુટેજમાં જોવા મળેલ ઇસમ પ્રદર્શન ગ્રાઉન્ડમાં આંટાફેરા કરે છે એવી હકીકત આધારે ત્યાં જઇ કાયદાથી સંઘર્ષીત કિશોરને ચોરીમાં ગયેલ બે મોબાઇલ કિ. ૨૦ હજાર સાથે અટક કરી ચોરીનો ગુનો ડીટેકટ કરવામાં આવ્યો હતો.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application