ભાવનગર મહાપાલીકા દ્વારા શહેરના બોરતળાવ વોર્ડમાં બનનાર ટીપી રોડમાં અડચણ‚પ સતનામ ચોકથી હરીઓમનગર સુધીમાં અંદાજે ૧૪૦ જેટલા કાચા-પાકા મકાનોનું દબાણ હોય આ પૂર્વે મહાપાલીકા તંત્ર દ્વારા તમામ દબાણકર્તાઓને નોટીસ ફટકારી દબાણો હટાવી દેવા સુચના આપી હતી. જો કે, મહાપાલીકાની નોટીસના પગલે કેટલાક દબાણકર્તાઓએ સ્વૈચ્છીક રીતે પોતે કરેલા દબાણો હટાવી લેવાયા જ્યારે નહી હટેલા દબાણોને તોેડી પાડવા માટે આજે સપ્તાહના પ્રારંભે વ્હેલી સવારથી મહાપાલીકાના એસ્ટેટ વિભાગ અને દબાણ હટાવ સેલના કાફલાએ મહાપાલીકાના ટાઉન પ્લાનીંગ, ટાઉન ડેવલોપમેન્ટ વિભાગ તેમજ બિલ્ડીંગ વિભાગના અધિકારીઓ તેમજ કર્મચારીઓને સાથે રાખી ત્રાટકી નાના-મોટા અને કાચા-પાકા દબાણો પર બુલડોઝર ફેરવી રોડ માટેની દબાણયુક્ત જગ્યા ખુલ્લી કરાવવાની કાર્યવાહી હાથ ધરી હતી.