બોયફ્રેન્ડ કરણ શર્મા સાથે રાજસ્થાનના જયપુરમાં લીધા ફેરા

ટીવી એક્ટ્રેસ સુરભી ચંદના અને કરણ શર્માએ તેમના સંબંધોને એક નવું નામ આપ્યું છે. બંનેએ મેરેજ કરી લીધા છે. સુરભી અને કરણ છેલ્લા 14 વર્ષથી એકબીજાને ઓળખે છે.

'નાગિન' ફેમ સુરભી ચંદનાએ તેના લાંબા સમયના બોયફ્રેન્ડ કરણ શર્મા સાથે લગ્ન કરી લીધા છે. લગ્નની વિધિ રાજસ્થાનના જયપુરમાં કરવામાં આવી હતી. સુરભીએ પિંક અને ગ્રે કલરના હેવી વર્કવાળા લહેંગા પહેર્યા હતા. બીજી તરફ કરણ ગ્રે કલરની શેરવાનીમાં હેન્ડસમ લાગી રહ્યો હતો. તેના લગ્નના ઘણા વીડિયો સોશિયલ મીડિયા પર સામે આવ્યા છે જે તેના ફેન પેજ પરથી શેર કરવામાં આવ્યા છે. વીડિયોમાં સુરભી ફેરા અને જયમાલાની વિધિ કરતી જોવા મળે છે. એક વીડિયોમાં સુરભી દુલ્હનની જેમ એન્ટ્રી લઈ રહી છે. તે ગીત ગાતી આવે છે અને કરણનો હાથ પકડી રાખે છે. બ્રાઈડલ ગેટઅપમાં સુરભી ખૂબ જ સુંદર લાગી રહી હતી. ઘણા યુઝર્સે કોમેન્ટ સેક્શનમાં લખ્યું કે તેનો લુક બોલિવૂડ અભિનેત્રીઓના બ્રાઈડલ લૂકથી બિલકુલ અલગ છે. તેના લહેંગાનું કોમ્બિનેશન અનોખું છે જેના પર સિલ્વર કલર વર્ક કરવામાં આવ્યું છે.

બંને લાંબા સમયથી ડેટ કરી રહ્યા છે
સુરભી અને કરણ એકબીજાને 14 વર્ષથી ઓળખે છે. ગયા વર્ષે તેણે ગોવામાં રોકા સેરેમની કરી હતી. હવે 2 માર્ચે જયપુરમાં ડેસ્ટિનેશન વેડિંગ હતા. આ પહેલા અભિનેત્રીની હલ્દી, મહેંદી અને સંગીત સેરેમનીની તસવીરો સામે આવી હતી.

આ શોમાં કામ કર્યું 

સુરભીનો જન્મ 1989માં મુંબઈમાં થયો હતો. 2010થી તે કરણ શર્માને ઓળખે છે, જે વ્યવસાયે બિઝનેસમેન છે. અભિનેત્રીએ 2015માં સિરિયલ 'આહત'થી ટીવી પર ડેબ્યૂ કર્યું હતું. આ પછી તેણે 'કબૂલ હૈ', 'ઈશ્કબાઝ', 'સંજીવની', 'નાગિન 5', 'હુનરબાઝ' અને 'શેરદિલ શેરગીલ'માં કામ કર્યું. સુરભી ફિલ્મ 'બોબી જાસૂસ'માં પણ જોવા મળી હતી. આ ફિલ્મમાં વિદ્યા બાલન લીડ રોલમાં હતી.