અમેરિકાના નવા ચૂંટાયેલા રાષ્ટ્ર્રપતિ ડોનાલ્ડ ટ્રમ્પને હશ મની કેસમાં કોઈ રાહત મળે તેવું લાગતું નથી. યુએસ સુપ્રીમ કોર્ટે ટ્રમ્પની સજા મોકૂફ રાખવાની અપીલ ફગાવી દીધી છે. આ આદેશથી ન્યાયાધીશ જુઆન એમ. મર્ચન માટે આજે ટ્રમ્પને સજા ફટકારવાનો માર્ગ મોકળો થયો છે.
ન્યાયાધીશ માર્ચેને મે મહિનામાં અમેરિકાના નવા ચૂંટાયેલા રાષ્ટ્ર્રપતિ ટ્રમ્પને ૩૪ કેસોમાં દોષિત ઠેરવ્યા હતા, જેમાં ૨૦૧૬ ની રાષ્ટ્ર્રપતિની ચૂંટણી દરમિયાન પોર્ન સ્ટાર સ્ટોર્મી ડેનિયલ્સને ચૂપ રહેવા માટે પૈસા આપવાનો આરોપ પણ સામેલ હતો, જેથી તે ટ્રમ્પ સાથેના જાતીય સંબંધને જાહેર કરવાનો પોતાનો દાવો કરતા અટકાવી શકે. આ કેસમાં ટ્રમ્પ કહે છે કે ડેનિયલ્સના દાવા ખોટા છે અને તેણે કઈં ખોટું કયુ નથી. ન્યાયાધીશ માર્ચને સંકેત આપ્યો છે કે તેઓ ટ્રમ્પ પર જેલની સજા, દડં અથવા પેરોલ લાદશે નહીં.
ટ્રમ્પના વકીલોએ સુપ્રીમ કોર્ટના લાંબા સમયથી ચાલતા ચુકાદાને ટાંકીને કહ્યું હતું કે રાષ્ટ્ર્રપતિ ચોક્કસ કેસોમાં ફોજદારી આરોપોથી મુકત છે. તેમણે કહ્યું કે આ નિર્ણયના આધારે, ન્યૂયોર્ક હશ–મની કેસમાં ટ્રમ્પ વિદ્ધ ઉપયોગમાં લેવાયેલા પુરાવા રાષ્ટ્ર્રપતિના રક્ષણ હેઠળ છુપાવવા જોઈએ. તેઓએ કહ્યું છે કે રાષ્ટ્ર્રપતિ પદના સંક્રમણ દરમિયાન ટ્રમ્પનું ધ્યાન ન ભટકે તે માટે તેમની અપીલોનો નિકાલ ન થાય ત્યાં સુધી સજા મુલતવી રાખવી જોઈએ.
ન્યૂયોર્કની અદાલતોએ સજા સ્થગિત કરવાનો ઇનકાર કર્યા પછી ટ્રમ્પના વકીલોએ ન્યાયાધીશોનો સંપર્ક કર્યેા. ન્યૂ યોર્કના ન્યાયાધીશોએ શોધી કાઢું કે ટ્રમ્પને રાષ્ટ્ર્રપતિ તરીકેના તેમના સત્તાવાર કાર્યેા કરતાં વ્યકિતગત બાબતો સંબંધિત વ્યવસાયિક રેકોર્ડમાં ખોટા સુધારા કરવાના ૩૪ ગુનાઓ પર દોષિત ઠેરવવામાં આવ્યા છે. દરમિયાન, ટ્રમ્પના વકીલોએ આ કેસને રાજકીય રીતે પ્રેરિત ગણાવ્યો. વકીલોએ કહ્યું કે હવે તેને સજા આપવી એ ઘોર અન્યાય હશે. જેના કારણે રાષ્ટ્ર્રપતિ પદના ટ્રાન્સફરમાં સમસ્યા આવી શકે છે.
ટ્રમ્પનું પ્રતિનિધિત્વ કરતા ડી. જોન સોયરે પણ એક અલગ ફોજદારી કેસમાં અરજી દાખલ કરી. જેમાં તેમના પર ૨૦૨૦ ની ચૂંટણીના પરિણામોને ઉથલાવી દેવાનો પ્રયાસ કરવાનો આરોપ મૂકવામાં આવ્યો હતો.