લઘુતમ તાપમાનમાં સામાન્યથી પાંચ ડિગ્રી જેટલો ઘટાડો અને ઉત્તર દિશામાંથી ફુકાઈ રહેલા ઠંડા બોળ પવનના કારણે ઠંડીની તીવ્રતામાં એકા એક જ જોરદાર વધારો થયો છે. છેલ્લા થોડા દિવસોથી લઘુતમ તાપમાનનો પારો નીચે ઉતરી રહ્યો છે. પરંતુ ગઈકાલે રાત્રે મિનિમમ ટેમ્પરેચર એકાએક નીચે ઉતરી ગયું છે અને તેના કારણે ઠંડી વધી ગઈ છે.

અમરેલીમાં ગઈકાલનું લઘુતમ તાપમાન ૧૫ ડિગ્રી હતું તે આજે ઘટીને ૧૦.૪ ડિગ્રી થઈ ગયું છે. સમગ્ર રાયમાં સૌથી નીચું તાપમાન ગિરનાર પર્વત ઉપર ૪.૮ અને નલિયામાં ૮.૨ ડિગ્રી રહેવા પામ્યું છે.

ભુજમાં આજે લઘુતમ તાપમાનમાં સામાન્ય વધઘટ સાથે ૧૧.૮ ડિગ્રી રહ્યું છે. ભાવનગરમાં પણ ખાસ ફેરફાર થયો નથી અને આજે ૧૬.૨ ડિગ્રી લઘુતમ તાપમાન રહ્યું છે. પોરબંદરમાં ગઈકાલની સરખામણીએ આજે ત્રણ ડિગ્રી જેટલું તાપમાન નીચે ઉતયુ છે અને આજે ૧૧.૨ ડિગ્રી નોંધાયું છે રાજકોટમાં એકાદ ડિગ્રી તાપમાન નીચે ઉતયુ છે. રાજકોટમાં ગઈકાલે ૧૨.૮ અને આજે ૧૧.૫ ડિગ્રી લઘુતમ તાપમાન રહ્યું છે.
ભેજનું પ્રમાણ રાયના અન્ય વિસ્તારોમાં ઘટું છે પરંતુ વડોદરા સુરત અને રાજકોટમાં આજે સવારે પણ અનુક્રમે ૯૬,૯૪ અને ૮૧% ભેજ નોંધાયો છે