મહુવા શહેર અને તાલુકામાં  ઈંગ્લીશ અને દેશી દારૂનુ બેફામ વેચાણ કરવામા આવે છે. જે સત્વરે બંધ કરાવવા મહુવાના પી. આઈ.ને આવેદન પાઠવી ચીમકી આપવામાં આવી છે કે જો સત્વરે દારૂનું વેચાણ બંધ નહિ કરાવાય તો મહુવા પોલીસ મથકની સામે ઉગ્ર કાર્યક્રમ કરવામાં આવશે અને દારૂના અડ્ડાઓ પર જનતા રેડ કરાશે.
  આવેદનમાં જણાવાયુ છે કે મહુવા શહેરમા ગાધકડા બજાર, જનતા પ્લોટ, મિલની ચાલી, માર્કેટીંગ યાર્ડની પાછળ, વાસીતળાવ, જી. આઈ. ડી.સી, જજના બંગલા પાસે, ગાંધીબાગની પાછળ રેલ્વે પાટાના વિસ્તારમા, માસુમભાઈની વાડી, ભવાનીનગર, કતપરબંદર, વિ.ટી. નગર, તેમજ મહવા ગ્રામ્યમા પોલીસ સ્ટેશનમા આવતા ગામડાઓ જેવાકે ભાદ્રોડ , ભાદ્રોડનુ ભદુમ્બરનગર, માળવાવ, નઈપ, કુંડળ છસીયા, બીલડી, પીપળવા, ડુંડાશ લુસડી, વાંગર, મોટા જાદરા, ઊમણીયાવદર, નેસવડ, રીજન્સી- નેસવડ, તરકે, તલગાજરડા, રાતોલ, વિગેરે મોટા ભાગના ગામોમાં વિદેશી અને અને દેશી વેચાણ મોટા પ્રમાણમા થાય છે. 
  આ દારૂ પીવાના દુષણથી નાની ઊમરનુ યુવાધન પાયમાલ થાયછો અને આ દારૂ વેચનારાઓ ખુલ્લેઆમ કહે છે કે પોલીસ અમારૂ કાંઈ બગાડશે નહિ.તો સત્વરે દારૂનું વેચાણ બંધ કરાવવા માંગ કરી છે. અન્યથા કોંગ્રેસ પક્ષ ધ્વારા મહુવા પોલીસ સ્ટેશનની સામે  ઊગ્ર કાર્યકમ આપવામા આવશે. તેમજ મહુવાની જનતાને સાથે રાખીને જનતા રેડ કરાશે.