ઝનાના હોસ્પિટલમાં એક બાજુ પાણીની મોકાણ છે, કેટલીક વખતે પીવાનું અને શોચાલયમાં પણ પાણી ન આવતા પ્રસૂતા-સગભર્ઓિ અને તેમની સાથેના પરિવારજનોની સ્થિતિ કપરી સર્જાય છે. હોસ્પિટલ તંત્ર ગોઠવાયેલા વ્યક્તિઓ પાસેથી લાખો રૂપિયાનું વેચાતું પાણી લઇ ટાકા ભરવામાં આવે છે ત્યારે હોસ્પિટલ સ્ટાફની બેદરકારીના કારણે શનિવારે રાત્રે એક વાર નહિ બે-બે વાર પાણીની ટેન્ક છલકાતા લેબરરૂમ અને લોબીમાં પાણી વહ્યા હતા. ફરજપરના સ્ટાફ દ્વારા તંત્રને જાણ કરવામાં આવતા હોસ્પિટલનો સ્ટાફ દોડ્યો હતો અને વાલ્વ બંધ કરવાની કાર્યવાહી કરી હતી. રાત્રીના 11 વાગ્યે હજુ સ્ટાફ આ પાણી ઉલેચી લ્યે ત્યાં મધરાત્રીના 2 વાગ્યાની આસપાસ ફરી ટેન્ક છલકાતા ફરીથી જવાબદારોને જાણ કરવામાં આવી હતી. અને તાકીદે આયાબહેનોને પાણી ઉલેચવાનું કહેવામાં આવતા સ્ટાફનો પણ મગજનો બાટલો ફાટ્યો હતો.જો કે ઝનાના હોસ્પિટલના ફરજ પરના જવાબદારો મોડે મોડે જાગ્યા હતા અને વ્યવસ્થા જોવડાવી લેવા માટેનું કહ્યું હતું ત્યાં સુધીમાં પાણી ઉલેચાય ગયું હતું. એ બાદ દાઝ્યા પછીનું ડાપણ સૌ કોઈએ કર્યું હતું.