'તો હું રાજનીતિ અને સંગીતમાંથી સંન્યાસ લઇ લઇશ, નહીં તો....', 

બાબુલ સુપ્રિયોને ભોજપુરી સુપરસ્ટાર પવન સિંહેની ઓપન ચેલેન્જ

ભોજપુરી સિનેમાના સ્ટાર પવન સિંહે પશ્ચિમ બંગાળના મંત્રી બાબુલ સુપ્રિયોને સોશિયલ મીડિયા પર પડકાર ફેંક્યો છે. વાસ્તવમાં જ્યારે પવન સિંહે આસનસોલથી ચૂંટણી લડવાની ના પાડી હતી ત્યારે બાબુલ સુપ્રિયોએ કહ્યું હતું કે પવન સિંહ તેના ગીતોમાં બંગાળી મહિલાઓને નિશાન બનાવે છે. એવામાં હવે પવન સિંહે આના પર બાબુલ સુપ્રિયોને સીધો પડકાર ફેંક્યો છે.

પવન સિંહે તેના સોશિયલ મીડિયા એકાઉન્ટ X પર પોસ્ટ કર્યું. જેમાં લખવામાં આવ્યું હતું કે, 'બાબુલ સુપ્રિયો હું બોલવા નહતો માંગતો પરંતુ તમે માત્ર પવન સિંહના દિલને જ ઠેસ પહોંચાડી નથી, પરંતુ 40 કરોડ ભોજપુરી ભાષી લોકો અને કલાકારોને પ્રેમ કરતા લોકોના સન્માનને પણ ઠેસ પહોંચાડી છે.' આ દરમિયાન પવન સિંહે તેની બીજી પોસ્ટમાં લખ્યું, 'જો તમે પોસ્ટ કરેલા ચાર ગીતોના પોસ્ટર આ ચાર પોસ્ટરના ગીતોને સાચા સાબિત કરે છે, તો હું રાજકારણ અને સંગીત બંનેમાંથી નિવૃત્તિ લઈશ. નહિ તો તમે...'

વાસ્તવમાં પશ્ચિમ બંગાળના મંત્રી બાબુલ સુપ્રિયોએ કહ્યું હતું કે પવન સિંહના વીડિયો અને ફિલ્મોમાં બંગાળી મહિલાઓને નિશાન બનાવવામાં આવે છે. શું ભાજપ આવી વ્યક્તિને આસનસોલ લોકસભાની ચૂંટણીમાં ઉતારી શકે? આ પછી વિવાદ વધુ ઘેરો બન્યો હતો.ભોજપુરી ફિલ્મના સુપરસ્ટાર અને સિંગર પવન સિંહને ભારતીય જનતા પાર્ટીએ પશ્ચિમ બંગાળની આસનસોલ લોકસભા સીટ પરથી મેદાનમાં ઉતાર્યા છે. પરંતુ, પવન સિંહે અહીંથી ચૂંટણી લડવાનો ઇનકાર કર્યો હતો અને ભાજપની ટિકિટ પરત કરી હતી. સાથે જ એ પણ નોંધનીય છે કે બાબુલ સુપ્રિયો અગાઉ આસનસોલથી સાંસદ રહી ચૂક્યા છે.