સૌથી વધુ જેતપુર, મહુવા, ભુજ પંથકમાં દોઢ ઇંચ સહિત 31 તાલુકામાં ઝાપટાથી અર્ધો ઈંચ વરસાદ

છેલ્લા પાંચ છ દિવસથી સૌરાષ્ટ્ર કચ્છમાં શરૂ થયેલા ચોમાસાના માહોલમાં આજે સવારે પૂરા થતા 24 કલાક દરમિયાન સૌરાષ્ટ્ર કચ્છના 60 જેટલા તાલુકાઓમાં ઝાપટાથી માંડીને પોણા બે ઇંચ જેટલો વરસાદ પડી જવા પામ્યો છે, જેમાં ધોધમાર વરસાદની ગેરહાજરી જોવા મળી છે, 31 તાલુકામાં માત્ર ઝાપટા સ્વરૂપે એક થી છ મિલિમિટર વરસાદ નોંધાયો છે. ગઈકાલે ખાસ કરીને ભુજ નખત્રાણા માંડવીમાં સવા થી પોણા બે ઇંચ મહુવા વલભીપુર ઘોઘા બાઇક જેતપુર માણાવદરમાં એક થી દોઢ ઇંચ વરસાદ પડ્યો હતો. આજે સવારે સાવરકુંડલા તળાજા ગારીયાધાર ઘોઘા ચોટીલા પંથકમાં ૧ થી ૪ મિલી મીટર જેટલા વરસાદે હાજરી પુરાવી છે.

હાલ છેલ્લા કેટલાક દિવસથી શરૂ થયેલું ચોમાસુ કચ્છ સુધી પહોંચી ગયું હોય તેમ ભુજ, નખત્રાણા, માંડવી પંથકમાં સવા થી પોણા બે ઇંચ અબડાસા, અંજાર, ભચાઉ, રાપર, ગાંધીધામ પંથકમાં ઝાપટામાંથી માંડીને અર્ધો ઇંચ વરસાદ નોંધાયો છે.ભાવનગરના મહુવા વલભીપુર ઘોઘા પંથકમાં એક થી દોઢ ઇંચ સિહોર, ઉમરાળા, પાલીતાણા, જેસર, તળાજા પંથકમાં અડધો થી પોણો અને ગારીયાધાર પંથકમાં ઝાપટા વરસ્યા છે.રાજકોટ શહેરમાં ગઈકાલે બપોરે અડધોથી પોણા ઇંચ ઉપરાંત જેતપુરમાં દોઢ ઇંચ અને કોટડા સાંગાણી, લોધિકા, ધોરાજી, પડધરી, જસદણ પંથકમાં અડધો ઇંચ ઉપરાંત જામકંડોરણા ગોંડલ ઉપલેટા પંથકમાં જાગતા વર્ષ થયા હતા.

જુનાગઢ, ભેસાણ માળીયાહાટીના પંથકમાં હતા, જ્યારે માણાવદર મેંદરડા વિસાવદરમાં અડધો થી એક ઇંચ વરસાદ પડ્યો હતો.જામનગરના ધ્રોલ, જોડીયા પંથકમાં અડધોથી પોણા આવી અને કાલાવડ લાલપુર પંથકમાં ઝાપટા પડ્યા હતા. દેવભૂમિ દ્વારકામાં વરસાદી ઝાપટા અને ખંભાળિયા કલ્યાણપુર પુસ્તકમાં અડધો થી પોણો ઇંચ વરસાદ પડ્યો હતો. જ્યારે બોટાદમાં કોણ ઇંચ અને બરવાળા રાણપુરમાં ઝાપટા વરસ્યા હતા. અમરેલી જિલ્લામાં લાઠી બગસરા અડધો ઇંચ જાફરાબાદ રાજુલા બાબરા કુકાવા વડીયા પંથકમાં વરસાદી ઝાપટા પડ્યા હતા. ગીર સોમનાથ ના કોડીનાર માં અડધો ઇંચ જ્યારે સુત્રાપાડા ગીર ગઢડા તાલાલા ઉના પંથકમાં માત્ર વરસાદી ઝાપટા પડ્યા હતા. પોરબંદર રાણાવાવ કુતિયાણા પંથકમાં ઝાપટા થી અડધો ઇંચ તેમજ સુરેન્દ્રનગરના ધાંગધ્રા, લખતર, દસાડા પંથકમાં પણ ઝાપટા વરસ્યા થયા હતા. એકંદરે સૌરાષ્ટ્ર કચ્છના કુલ 90 તાલુકામાંથી 60 તાલુકામાં મેઘરાજાનું આગમન થયું હતું. જોકે તેમાં 31 તાલુકામાં અર્ધા ઇંચથી ઓછો વરસાદ પડ્યો હતો.