ટીમ ઈન્ડિયાના દિગ્ગજ બેટ્સમેન વિરાટ કોહલી માટે આખી દુનિયા પાગલ છે. તેમના ચાહકો દુનિયાભરમાં હાજર છે. પાકિસ્તાનમાં પણ વિરાટ કોહલીનો મોટો ચાહક વર્ગ છે. પાકિસ્તાનમાં સમયાંતરે કોહલીના ક્રેઝની વાતો સાંભળવા અને જોવા મળે છે. આ વખતે પાકિસ્તાનીઓએ વિરાટ કોહલી ઝિંદાબાદના નારા લગાવ્યા છે. પોતાના જ દેશના સ્ટાર ખેલાડી બાબર આઝમને ખરાબ રીતે સંભળાવ્યા બાદ પાકિસ્તાની ચાહકોએ કોહલી પર પ્રેમ વરસાવ્યો હતો.
14 ફેબ્રુઆરીના રોજ સમાપ્ત થયેલી ન્યુઝીલેન્ડ અને પાકિસ્તાન વચ્ચેની ટ્રાઈ સિરીઝની દરેક મેચમાં બાબર આઝમે પોતાનું નબળું પ્રદર્શન ચાલુ રાખ્યું. તે એકપણ મેચમાં મોટી ઇનિંગ્સ રમી શક્યો નહીં. 14 ફેબ્રુઆરીના રોજ ન્યુઝીલેન્ડ અને પાકિસ્તાન વચ્ચે ટ્રાઈ સિરીઝની ફાઇનલ હતી. બાબર આઝમ આમાં પણ નિષ્ફળ ગયો અને પાકિસ્તાન હારી ગયું. હાર બાદ પાકિસ્તાની ચાહકોનો ગુસ્સો ફાટી નીકળ્યો. તેમણે સ્ટેડિયમની બહાર બાબર આઝમને ટ્રોલ કરવાનું શરૂ કર્યું અને કોહલી ઝિંદાબાદ...કોહલી ઝિંદાબાદના નારા લગાવ્યા.
વિરાટ કોહલી પાકિસ્તાની મીડિયાથી લઈને ચાહકો સુધી દરેકના દિલ પર રાજ કરી રહ્યો છે. પાકિસ્તાનમાં વિરાટના ચાહકોની સંખ્યા ખૂબ મોટી છે. ચેમ્પિયન્સ ટ્રોફીના ઉત્સાહ વચ્ચે, ચાહકો બાબર આઝમ અને વિરાટ કોહલીને લઈને ઘર્ષણમાં ઉતયર્.િ જોકે, મોટાભાગના ચાહકો કોહલીને ટેકો આપતા જોવા મળ્યા. બાબરને પ્રેમ કરનારા અને ટેકો આપ્નારા ચાહકો બહુ ઓછા હતા.