Aajkaalteam

ભારતીય ટીમનો યુવા ઓપનિંગ બેટ્સમેન શુભમન ગિલ હવે તાજેતરની ICC ODI બેટિંગ રેન્કિંગમાં ચોથા સ્થાને પહોંચી ગયો છે.

ભારતીય ટીમનો યુવા ઓપનિંગ બેટ્સમેન શુભમન ગિલ ઈન્ટરનેશનલ ક્રિકેટ કાઉન્સિલ (ICC) દ્વારા બહાર પાડવામાં આવેલી તાજેતરની ODI બેટિંગ રેન્કિંગમાં ચોથા સ્થાને પહોંચી ગયો છે. વર્ષ 2023 ની શરૂઆતથી, ગિલે મર્યાદિત ઓવર્સના ફોર્મેટમાં શાનદાર પ્રદર્શન જોવા મળ્યુ છે, જેમાં વનડેમાં તેના બેટથી બેવડી સદી પણ જોવા મળી હતી.

ICC દ્વારા 5 એપ્રિલે જાહેર કરવામાં આવેલી લેટેસ્ટ રેન્કિંગમાં, શુભમન ગિલ તેની ODI કારકિર્દીની સર્વશ્રેષ્ઠ રેન્કિંગ પર પહોંચી ગયો છે, જેમાં તે હાલમાં ચોથા સ્થાને 738 રેટિંગ પોઈન્ટ ધરાવે છે. હાલમાં ODI બેટિંગ રેન્કિંગમાં પ્રથમ સ્થાને પાકિસ્તાનનો કેપ્ટન બાબર આઝમ 887 રેટિંગ પોઈન્ટ સાથે છે.

વિરાટ કોહલી છઠ્ઠા સ્થાને પહોંચ્યો

ભારતીય ટીમના પૂર્વ કેપ્ટન વિરાટ કોહલી પણ ODI બેટિંગ રેન્કિંગમાં છઠ્ઠા સ્થાને પહોંચી ગયો છે, જેમાં આ વર્ષે અત્યાર સુધી 2 સદી અને એક અડધી સદીની ઇનિંગ્સના આધારે કુલ 427 રન બનાવનાર કોહલીએ કુલ 427 રન બનાવ્યા છે. વિરાટ કોહલીના 719 રેટિંગ પોઈન્ટ છે. હાલમાં ICC ODI રેન્કિંગમાં ટોપ-10માં ત્રીજા ભારતીય ખેલાડીમાં કેપ્ટન રોહિત શર્માનો સમાવેશ થાય છે. જે કુલ 707 રેટિંગ પોઈન્ટ સાથે 8મા સ્થાને છે.