મહારાષ્ટ્રમાં ચાલી રહેલી રાજકીય ઉથલપાથલ વચ્ચે NCPના કાર્યકારી અધ્યક્ષ સુપ્રિયા સુલેની માંગ પર પગલાં લઈ NCP પ્રમુખ શરદ પવારે સુનીલ તટકરે અને પ્રફુલ પટેલને પાર્ટીમાંથી હાંકી કાઢ્યા છે.

સુલેએ ટ્વીટ કર્યું હતું કે સુનીલ તટકરે અને પ્રફુલ પટેલે 2 જુલાઈના રોજ પાર્ટીના બંધારણ અને નિયમોનું સીધું ઉલ્લંઘન કર્યું છે, જે પાર્ટીના સભ્યપદમાંથી ત્યાગ અને ગેરલાયક ઠરવા સમાન છે. એટલા માટે તેમને ગેરલાયક ઠેરવવા જોઈએ. સુપ્રિયા સુલેએ કહ્યું, "હું શરદ પવારને વિનંતી કરું છું કે તે તાત્કાલિક પગલાં લે અને સક્ષમ અધિકારી સમક્ષ ભારતના બંધારણની 10મી અનુસૂચિ હેઠળ સંસદના સભ્યો વિરુદ્ધ ગેરલાયકાતની અરજી દાખલ કરે."

Mr.Sunil Tatkare and Mr. Praful Patel on 2nd July 2023 acted in direct contravention of the Party Constitution and Rules, amounting to desertion and disqualification from the party membership.

I request Hon. @PawarSpeaks Saheb to take immediate action and file disqualification… pic.twitter.com/Uj2iG6C6kz

— Supriya Sule (@supriya_sule) July 3, 2023

સુપ્રિયા સુલેએ શરદ પવારને લખેલા તેમના પત્રમાં લખ્યું છે કે, "9 બળવાખોર ધારાસભ્યોને સમર્થન આપવાનો 2 સાંસદોનો આ નિર્ણય પાર્ટી અધ્યક્ષની પરવાનગી વગર અને તમામ સભ્યોને વિશ્વાસમાં લીધા વિના લેવામાં આવ્યો છે. આ પક્ષપલટા આવી રીતે ગુપ્ત રીતે કરવામાં આવ્યા હતા. પક્ષ પ્રમુખની જાણ કે સંમતિ વિના, જે પક્ષ છોડવા સમાન છે. તે એકદમ સ્પષ્ટ થઈ ગયું છે કે ઉક્ત સાંસદ હવે એનસીપીના ઉદ્દેશ્યો અને વિચારધારા સાથે સહમત નથી."

આ પહેલા રવિવારે (2 જુલાઈ) શરદ પવારનું આ બંને નેતાઓને લઈને મોટું નિવેદન સામે આવ્યું હતું. તેમણે કહ્યું હતું કે, "હું પ્રફુલ પટેલ અને તટકરે સિવાય કોઈનાથી નારાજ નથી. મેં તેમને મહાસચિવ તરીકે નિયુક્ત કર્યા હતા, પરંતુ તેઓએ પાર્ટી અધ્યક્ષની ગાઈડલાઈન્સનું પાલન ન કર્યું અને ખોટો રસ્તો અપનાવ્યો છે આથી તેઓ પદને લાયક નથી "