આજે મ્યાનમારમાં 7.2ની તીવ્રતાનો ભૂકંપ આવ્યો છે. રાજધાની દિલ્હી અને નજીકના NCR વિસ્તારોમાં ભૂકંપના આંચકા અનુભવાયા છે. જર્મન રિસર્ચ સેન્ટર ફોર જિઓસાયન્સીસ અનુસાર, ભૂકંપનું કેન્દ્ર 10 કિલોમીટરની ઊંડાઈએ હતું અને તેનું કેન્દ્ર મંડલે શહેરની નજીક સ્થિત હતું.  થાઇલેન્ડની રાજધાની બેંગકોકમાં ભૂકંપના આંચકા બાદ સેંકડો લોકો ગભરાટમાં ઇમારતોમાંથી બહાર દોડી આવ્યા હતા. મ્યાનમારમાં આ ભૂકંપથી થયેલા નુકસાન અંગે હજુ સુધી કોઈ માહિતી પ્રાપ્ત થઈ નથી. જ્યારે બેંગકોકમાં બિલ્ડિંગો પત્તાની માફક ધરાશાયી થતી હોવાના વીડિયો સામે આવ્યા છે. 

Insane!!

Violent 7.0-Magnitude Quake Strikes Myanmar, Buildings Fall as Tremors Reach Bangkok

Epicenter: Central #Myanmar, 50 km east of Monywa

Depth: 10 km, making it a shallow and strong quake

Strong tremors felt in #Bangkok causing panic & evacuations. Water splashed from… pic.twitter.com/rI4d0AetpY

— Nabila Jamal (@nabilajamal_) March 28, 2025

ભૂકંપનું કેન્દ્ર પૃથ્વીથી 10 કિલોમીટર નીચે
મ્યાનમાર અને ભારત ઉપરાંત બેંગકોકમાં પણ 6.2ની તીવ્રતાના ભૂકંપના આંચકા અનુભવાયા હતા. મ્યાનમારમાં સૌપ્રથમ 11:52 વાગ્યે ભૂકંપ આવ્યો હતો અને ત્યાર બાદ 12:02 વાગ્યે ફરી અનુભવાયો હતો. આ રીતે એક પછી એક બે આંચકા આવ્યા છે. જર્મન રિસર્ચ સેન્ટર ફોર જીઓસાયન્સના જણાવ્યા અનુસાર, ભૂકંપનું કેન્દ્ર પૃથ્વીથી 10 કિલોમીટર નીચે હતું.

સ્વિમિંગ પૂલનું પાણી છલકવા લાગ્યું
બેંગકોક પ્રશાસનનું કહેવું છે કે, ભૂકંપ એટલો જોરદાર હતો કે ઈમારતો પર બનાવેલા સ્વિમિંગ પૂલનું પાણી છલકવા લાગ્યું. લોકો ડરના માર્યા પોતાના ઘરની બહાર નીકળી ગયા. ભૂકંપનું કેન્દ્રબિંદુ મ્યાનમારના મંડલે શહેર નજીક હોવાનું કહેવાય છે.