વૈશ્વિક બજારમાં બદલાતા આર્થિક સમીકરણોની સીધી અસર ભારતીય કોમોડિટી માર્કેટ પર જોવા મળી છે. એમસીએક્સ પર સોના અને ચાંદીના ભાવમાં મોટો સિંગલ-ડે કડાકો નોંધાયો છે. સોનાના ભાવમાં પ્રતિ 10 ગ્રામ રૂ.૩૦૫૭ અને ચાંદીમાં પ્રતિ કિલોગ્રામ રૂ. ૮૦૧૧નો આકરો ઘટાડો થતાં બજાર સંપૂર્ણપણે તૂટી ગયું છે. સોનાના ભાવ પ્રતિ 10 ગ્રામ ઘટીને 1,૪૬,૨૫૨ રૂપિયા જયારે ચાંદીના ભાવ પ્રતિ કિલો રૂ. 2,29,૫૬૧ના સ્તરે પહોંચી ગયા. આજે સપ્તાહના અંતિમ ટ્રેડિંગ દિવસે શેરબજારમાં પણ તીવ્ર ઘટાડો જોવા મળ્યો. આજનો દિવસ જાણે શેરબજારમાં બ્લેક ફ્રાઈડે સાબિત થયો. ખુલતાની સાથે જ, બોમ્બે સ્ટોક એક્સચેન્જનો 30 શેરનો સેન્સેક્સ 831 પોઈન્ટથી વધુ ગગડ્યો અને 76,૫૭૮ના સ્તરે ટ્રેડ થયો હતો, જ્યારે નેશનલ સ્ટોક એક્સચેન્જનો નિફ્ટી ઇન્ડેક્સ પણ લગભગ 2૩0 પોઈન્ટના નોંધપાત્ર ઘટાડા સાથે ૨૩,૯૩૮ના સ્તરે ટ્રેડ થયો હતો.

બજારના આર્થિક નિષ્ણાતોના જણાવ્યા અનુસાર સોના-ચાંદીમાં આવેલા આ અચાનક કડાકા પાછળ બે મુખ્ય વૈશ્વિક કારણો જવાબદાર માનવામાં આવી રહ્યા છે: અમેરિકાની સેન્ટ્રલ બેંક ફેડરલ રિઝર્વ દ્વારા વ્યાજ દરો યથાવત્ રાખવા અંગે લેવાયેલા કડક નિર્ણય બાદથી માર્કેટમાં અસ્થિરતા જોવા મળી રહી છે.

આંતરરાષ્ટ્રીય બજારમાં કાચા તેલના ભાવમાં ચાલી રહેલા ભારે ઘટાડાને કારણે મોંઘવારીનો ગ્રાફ નીચો આવ્યો છે. ક્રૂડ ઓઇલ સસ્તું થતાં ફુગાવાનું દબાણ ઘટ્યું છે, જેના લીધે હેજિંગ અથવા સેફ હેવન (સુરક્ષિત રોકાણ) તરીકે સોના-ચાંદીમાં થતું રોકાણ અચાનક ઘટી ગયું છે.

બજારના આ ઘટાડા વચ્ચે, આઈટી અને ટેક કંપનીઓના શેરોમાં સૌથી ખરાબ પ્રદર્શન જોવા મળ્યું; ઇન્ફોસિસ, ટેક મહિન્દ્રા અને ટીસીએસથી લઈને એચસીએલ ટેક સુધીની કંપનીઓના શેર શરૂઆતના ઘંટડીએ જ ગબડ્યા.

આ બજારના ઘટાડામાં આઇટી અને ટેક શેરોએ મુખ્ય ભૂમિકા ભજવી હતી, જે ખુલતા જ તુરંત જ તૂટી પડ્યા. બીએસઈની લાર્જ-કેપ કેટેગરીમાં, ઇન્ફોસિસ (-૮.૫૦ટકા), ટીસીએસ (-૬.૨૦ટકા), ટેક મહિન્દ્રા (-૫.૬૦ટકા) અને એચસીએલ ટેક (-૫.૪૦ટકા) ના શેર ભારે નુકસાન સાથે ટ્રેડ થઈ રહ્યા હતા.

અન્ય મુખ્ય શેરો જે નીચા ખુલ્યા અને રેડ ઝોનમાં ટ્રેડ કરવાનું ચાલુ રાખ્યું તેમાં એચડીએફસી બેંક (-૨.૩૦ટકા), એમફેસિસ (-૬.૬૦ટકા), પર્સિસ્ટન્ટ (-૫ટકા), કોફોર્જ (-૪.૨૦ટકા) અને ડિક્સન (-૨.૨૦ટકા)નો સમાવેશ થાય છે. વૈશ્વિક બજારોમાંથી મિશ્ર સંકેતો વચ્ચે, શુક્રવારે ખુલતા જ નિફ્ટી ૨૪,૦૦૦ ના ચિહ્નથી નીચે સરકી ગયો. શરૂઆતના સમયે, આશરે 956 કંપનીઓના શેર ઊંચા ટ્રેડ થયા હતા, જ્યારે 1,324 કંપનીઓના શેર લાલ નિશાનમાં ખુલ્યા હતા, જેમાં નોંધપાત્ર ઘટાડો નોંધાયો હતો; તે દરમિયાન, 178 શેર યથાવત રહ્યા હતા. આ બજાર મંદી પશ્ચિમ એશિયામાંથી આવક સંબંધિત પડકારોને કારણે વૈશ્વિક આઈટી સેવાઓ કંપની એક્સેન્ચર દ્વારા નાણાકીય વર્ષ 2026 માટે આવક વૃદ્ધિ માર્ગદર્શિકામાં ઘટાડાના સુધારાને અનુસરે છે. એક્સેન્ચરનો શેર રાતોરાત લગભગ 18 ટકા ઘટ્યો હતો, જ્યારે ઇન્ફોસિસ એડીઆર લગભગ 10 ટકા ઘટ્યો હતો અને વિપ્રો એડીઆર 3.6 ટકા ઘટ્યો હતો.