ગીર સોમનાથના એસ.એલ.આર.કચેરીના સિનીયર સર્વેયર રાવત સિસોદિયા 1 લાખની લાંચ લેતા એસીબીના હાથે રંગહાથ ઝડપાયો છે. ગીર સોમનાથના એસીબીના પોલીસ ઇન્સ્પેક્ટર ડી.આર. ગઢવીએ રાવતને કલેક્ટર કચેરીમાં આવેલ એસએલઆર ઓફિસમાં લાંચ લેતા ઝડપી લીધો હતો. 

શું કામ લાંચ માંગી?
આ કામે હકિકત એવી છે કે, ગીર સોમનાથ જિલ્લાની એસ.એલ.આર. કચેરીમાં ફરિયાદીએ પ્રોપર્ટીકાર્ડ કઢાવવા માટે પ્રમોલગેશનની અરજી આપી હતી. જે અરજી મંજૂર કરવાની કાર્યવાહી કરવાના આક્ષેપિતે  અરજદાર પાસેથી ૧,૫૦,૦૦૦ રૂપિયાની ગેરકાયદેસર લાંચની માંગણી કરી હતી. આ બાબતે રકઝકના અંતે આક્ષેપિતે ૧,૩૦,૦૦૦ રૂપિયામાં કામ કરી આપવાનું નક્કી કરેલ જે પૈકી રૂ.૧,૦૦,૦૦૦ આજરોજ ફરિયાદી પાસે મંગાવેલ અને બાકીના રૂ.૩૦,૦૦૦ પછીથી આપવાનું કહેલ.

ફરિયાદીએ એસીબીનો સંપર્ક કર્યો
આમ, ફરીયાદ લાંચની રકમ આપવા માગતાં ન હોય ફરીયાદએ ગીર સોમનાથ એસીબી પોલીસ સ્ટેશનનો સંપર્ક કરતાં આજ રોજ ફરીયાદીની ફરીયાદના આધારે લાંચના છટકાનું આયોજન કરતા એસએલઆરકચેરી ઈણાજ ખાતે આરોપી સ્થળ પર પકડાઇ ગયો હતો.