રાજકોટ મહાપાલિકા દ્વારા પ્રધાનમંત્રી આવાસ યોજના અને મુખ્યમંત્રી ગૃહ યોજનાના 10 ફ્લેટમાં ભાડુઆત મળતા સીલ કરવામાં આવ્યા હતા.
વિશેષમાં રાજકોટ મહાપાલિકાની આવાસ યોજના શાખાના સૂત્રોએ જણાવ્યું હતું કે વિવિધ આવાસ યોજના અંતર્ગત અલગ અલગ સ્થળોએ આવાસો બનાવવામાં આવેલ છે ત્યાં આગળ આવાસ યોજના વિભાગ દ્વારા ચેકીંગ હાથ ધરવામાં આવ્યુ હતું જેમાં મૂળ લાભાર્થીના સ્થાને ભાડુઆત રહેતા હોવાનું માલુમ પડતા 10 આવાસ સીલ કરવામાં આવ્યા હતા. સીલ કરાયેલા આવાસોમાં નરસિંહ મહેતા ટાઉનશીપ-કુવાડવા રોડમાં સૌથી વધુ છ આવાસો, છત્રપતિ શિવાજી ટાઉનશીપ-રેલનગરમાં બે આવાસો, બીએસયુપી આવાસ યોજના-નાનામવા ચોકમા બે આવાસો સહિત કુલ 10 આવાસ સીલ કરાયા હતા.