દર્દીને લઇ જતી વખતે  લીફટ બંધ થઇ જતા દેકારો

સમગ્ર સૌરાષ્ટ્રમાં સૌથી મોટી સરકારી જી.જી. હોસિપટલ ફરી વિવાદમાં સપડાઇ છે. દર્દીને લઇ જતી વેળાએ એકાએક લીફટ બંધ થઇ જતા દેકારો મચી જવા પામ્યો હતો.  આ સમયે લીફટમેન કે કર્મચારી મદદે ન આવતા મિનિટો સુધી દર્દી લીફટમાં ફસાઇ જવા પામ્યા હતા. આ સમયે દર્દીના સગાએ વીડીયો બનાવી સોશ્યલ મીડીયામાં વાયરલ કર્યો હતો.

જામનગરની સરકારી જી.જી. હોસ્પિટલ, સુરક્ષાની મામલે તેમજ અન્ય કારણોસર અવાર નવાર વિવાદમાં આવતી હોય છે. આજે સવારે લીફટમાં એક દર્દી ફસાઇ જતા દેકારો મચી જવા પામ્યો હતો. સરકાર દ્વારા હોસ્પિટલને અદ્યતન સગવડતાઓ પુરી પાડવામાં આવી છે. છતા લીફટમાં લીફટમેન પણ ફરજમાં હાજર નથી હોતા અને દર્દી અને દર્દીના સગાઓએ જાતે ચડઉતર કરવી પડે છે.

દર્દી જયારે ગંભીર હાલતમાં હોય, અને સ્ટ્રેચર પરની હાલતમાં હોય એવા સમયે લીફટની ગેરહાજરી હોવી અને લીફટનું પણ એજ સમયે બંધ થઇ જવુ દર્દી અને દર્દીઓના સગા માટે મુશ્કેલીનું કારણ બન્યુ હતું આવી ઘટના ભૂતકાળમાં પણ બની ચુકી છે ત્યારે ભવિષ્યમાં આનુ પનુરાવર્તન ન થાય તેવું શહેરીજનો ઇચ્છે છે.