ખંભાળિયા તાલુકાની સિધ્ધપુર પ્રાથમિક શાળામાં તાજેતરમાં ધોરણ 8 ના બાળકોનો સમાવર્તન સંસ્કાર (વિદાય સમારંભ) યોજવામાં આવ્યો હતો. શિક્ષકો દ્વારા બાળકો જીવનમાં પ્રગતિ કરે અને માતા-પિતાનું, શાળા અને ગામનું નામ રોશન કરે એવી શુભેચ્છા પાઠવવામાં આવી હતી. સાથે દીકરીઓને આગળ ભણાવવા વાલીઓને અપિલ કરવામાં આવી હતી. બાળકો દ્વારા કરેલા કાર્યને બિરદાવવામાં આવ્યા હતા. શાળા પરિવાર દ્વારા દરેક બાળકને સ્મૃતિ ભેટ તરીકે ફોલ્ડર ફાઈલ આપવામાં આવી હતી.

બાળકો અને શાળા માટે હંમેશા તત્પર એવા સિધ્ધપુર ગામના માજી સરપંચ પરિવારના જયંતિભાઈ લખમણભાઈ પરમાર દ્વારા ધોરણ 8 ના બાળકોના સમાવર્તન સંસ્કાર (વિદાય કાર્યક્રમ) અંતર્ગત દરેક બાળકને પ્રોત્સાહન રૂપે રોકડ રકમ તેમજ ભરપેટ નાસ્તો કરાવવામાં આવ્યો હતો. શાળા પરિવાર વતી તેમને દ્વારકાધીશની છબી આપીને આભાર વ્યક્ત કરવામાં આવ્યો હતો.