જેકી શ્રોફનો એક વીડિયો સોશિયલ મીડિયા પર વાયરલ થઈ રહ્યો છે. તે મુંબઈના એક જૂના રામ મંદિરની સીડીઓ પર પોતા મારતો  જોવા મળે છે. તેની સાદગી પર ચાહકો આફરીન પોકારી  રહ્યા છે.બોલિવૂડના દિગ્ગજ અભિનેતા જેકી શ્રોફ જાણે છે કે કેવી રીતે તેમની સાદગીથી દરેકનું દિલ જીતવું. વાસ્તવમાં, તે જ્યાં પણ જાય છે, તે પોતાની સાથે અનન્ય યાદગીરી સાથે લેતા જાય છે અને મુકતા આવે છે. તેમજ લોકોને વૃક્ષારોપણ કરવા અપીલ કરી હતી. તેની આ પહેલ પર ચાહકો પહેલાથી જ તેમના પર આફરીન પોકારી રહ્યા  છે. હવે તેનો એક વીડિયો સામે આવ્યો છે, જેને જોઈને યુઝર્સ તેના વખાણ કરતા થાકતા નથી. કેટલાકે તેને મહેનતુ માણસ કહ્યો તો કેટલાકે તેને 'નંબર વન' કહ્યો.ખરેખર, આ વીડિયોમાં જેકી શ્રોફ મુંબઈના એક જૂના રામ મંદિરની બહાર સીડીઓ સાફ કરતા જોવા મળે છે. તેની પાછળ ઘણા લોકો ઉભા છે. કેમેરા પર્સનથી લઈને પોલીસકર્મીઓ પણ. પણ જગ્ગુ દાદા મોજા પહેરીને સફાઈમાં વ્યસ્ત છે. સફાઈ ઉપરાંત વૃક્ષોને પાણી પણ પીવડાવ્યું હતું.આ યુઝર્સની પ્રતિક્રિયા છે.

જેકી શ્રોફનો આ વીડિયો સોશિયલ મીડિયા પર વાયરલ થઈ રહ્યો છે. એક યુઝરે કમેન્ટ કરી કે, 'જે વ્યક્તિ ઝીરોમાંથી હીરો બન્યો છે તે તેનું મહત્વ સમજે છે.' બીજાએ લખ્યું, 'કેમેરાની સામે અને પાછળ સૌથી નમ્ર વ્યક્તિ.'જેકી શ્રોફ ફિલ્મો સિવાય સોશિયલ વર્ક પણ કરે છે. તેની પાસે ઓર્ગેનિક ફાર્મ પણ છે, જ્યાં તે ઓર્ગેનિક છોડ અને જડીબુટ્ટીઓ ઉગાડે છે. તેમણે અનેક જરૂરિયાતમંદ બાળકોની સારવાર અને શિક્ષણ માટે ફંડ આપ્યું છે.