સેન્સેકસમાં જેમ વધઘટ થઈ રહી છે તેમ તાપમાનમાં પણ આજે કડાકો નોંધાયો હતો. જૂનાગઢમા દોઢ સપ્તાહ સુધી લઘુતમ તાપમાનનો પારો ૧૨થી૧૫ ડિગ્રી આસપાસ રહ્યો હતો. પરંતુ આજે એકાએક તાપમાનમાં વધારો થયો છે. ગઈકાલે શહેરમાં લઘુતમ તાપમાન ૧૫.૧ ડીગ્રી નોંધાયું હતું આજે તેમાં ૭.૭ ડિગ્રીનો વધારો થઈ ૨૨.૮ ડિગ્રી તાપમાન નોંધાયું છે. બીજી તરફ પવનની તીવ્ર ગતિના કારણે ઠંડી યથાવત રહી છે. તેમાં ગિરનાર ઉપર ૬૫ કિમીની ઝડપે પવન ફંકાતા રોપ–વે બધં કરી દેવો પડો હતો.તાપમાનમાં ફેરફાર થયો છે .પરંતુ પવનની ઝડપમાં પણ વધારો થયો છે. ભેજનું પ્રમાણ પણ ઘટું છે. આજે શહેરમાં ૫.૩ની ઝડપે તેમજ ગિરનાર ઉપર ૬૫ કિમી ઝડપે પવન ફંકાતા વાતાવરણમા ઠંડક અનુભવાઇ રહી છે. ગત રાત્રિથી જ પવનના સુસ્વાટાના કારણે બારી બારણામાં પણ ખખડાટ સંભળાતા હતા.ભેજ ઘટતા સૂકા પવનના કારણે વાતાવરણમાં ઠંડક જોવા મળી રહી છે. આજે જૂનાગઢ શહેરમાં નોંધાયેલ હવામાનમાં લઘુત્તમ તાપમાન ૨૨.૮, વાતાવરણમાં ભેજ ૫૭ ટકા અને ૫.૩ ની ઝડપે પવન ફંકાયો હતો.