ભારતીય ક્રિકેટ ટીમ અને શ્રીલંકન ક્રિકેટ ટીમ વચ્ચે 3 મેચની ODI શ્રેણીની બીજી મેચ કોલંબોના આર પ્રેમદાસા સ્ટેડિયમમાં રમાઈ રહી છે. શ્રીલંકાએ ટોસ જીતીને પ્રથમ બેટિંગ કરવાનું પસંદ કર્યું હતું. પ્રથમ બેટિંગ કરતા લંકાની ટીમે 50 ઓવરમાં 9 વિકેટ ગુમાવીને 240 રન બનાવ્યા હતા.

241 રનના લક્ષ્યનો પીછો કરવા ઉતરેલી ભારતીય ટીમ માટે રોહિત શર્મા અને શુભમન ગિલે ઇનિંગની શરૂઆત કરી હતી. રોહિતે મેચમાં 2 રન બનાવીને ઈતિહાસ રચ્યો હતો. આટલું જ નહીં, રાહુલ દ્રવિડને પાછળ છોડીને તે વનડેમાં સૌથી વધુ રન બનાવનાર ચોથો ભારતીય બેટ્સમેન બની ગયો છે.

દ્રવિડને પાછળ છોડી દીધો
- રોહિત શર્મા આજે તેની કારકિર્દીની 264મી વનડે મેચ રમી રહ્યો છે.
- ODIની 256 ઇનિંગ્સમાં તેણે 50 ની એવરેજ અને 92 ની સ્ટ્રાઇક રેટથી 10769* રન બનાવ્યા છે.
- તે વનડેમાં સૌથી વધુ રન બનાવનાર ચોથો ભારતીય બેટ્સમેન બની ગયો છે. તેણે રાહુલ દ્રવિડને પાછળ રાખી દિધો છે.
- તેના પહેલા દ્રવિડે તેની કારકિર્દીમાં 340 વનડે રમી હતી.
- આ સમયગાળા દરમિયાન ભૂતપૂર્વ ભારતીય કોચે 314 ઇનિંગ્સમાં 39.15ની સરેરાશ અને 71.18ની સ્ટ્રાઇક રેટથી 10768 રન બનાવ્યા હતા.

ODIમાં સૌથી વધુ રન બનાવનાર ભારતીય
સચિન તેંડુલકર: 18426 રન
વિરાટ કોહલી: 13872 રન
સૌરવ ગાંગુલી: 11221 રન
રોહિત શર્મા: 10769* રન
રાહુલ દ્રવિડ: 10768 રન