ક્રૂડ ઓઇલના ભાવમાં સતત વધારો હવે સામાન્ય લોકોના ખિસ્સાને સીધી અસર કરી રહ્યો છે. જો અમેરિકામાં ક્રૂડ ઓઇલના ભાવ ૯૦ ડોલર પર રહેશે, તો તે ભારતમાં પણ ફુગાવો વધારી શકે છે. આ મુદ્દાનો ઉલ્લેખ યુનિયન બેંકના તાજેતરના અહેવાલમાં કરવામાં આવ્યો છે. તેમાં એમ પણ કહેવામાં આવ્યું છે કે જો આ પરિસ્થિતિ ચાલુ રહેશે, તો તેની સીધી અસર તમારા ઈએમઆઈ પર પડશે. આ સમાચાર મધ્યમ વર્ગના લોકો માટે ચિંતાનું કારણ બની શકે છે.
યુનિયન બેંકના આ રિપોર્ટમાં જણાવાયું છે કે ક્રૂડ ઓઇલના વધતા ભાવ ફુગાવામાં સીધો ફાળો આપી રહ્યા છે. ભારત પોતાની જરિયાતો માટે તેલ આયાત કરે છે, તેથી આંતરરાષ્ટ્ર્રીય ભાવમાં વધારો સ્થાનિક બજારમાં પેટ્રોલ, ડીઝલ અને અન્ય આવશ્યક ચીજવસ્તુઓના ભાવ પર અસર કરે છે. આનાથી ફુગાવાનો દર પણ વધે છે. આવી સ્થિતિમાં, ભારતીય રિઝર્વ બેંક માટે વ્યાજ દરોને નિયંત્રિત કરવાનું સરળ રહેશે નહીં. ફુગાવાને નિયંત્રિત કરવા માટે, આરબીઆઈ રેપો રેટમાં વધારો કરી શકે છે અથવા દર ઘટાડાને મુલતવી રાખી શકે છે. આની સીધી અસર લોન લેનારાઓના ઈએમઆઈ પર પડશે..