ખીજડીયા બાયપાસ રોડ અને જામજોધપુરમાં ત્રણ આંકડાશાસ્ત્રીની અટક

જામનગરના દિ. પ્લોટ 49 ખાતે રહેતા નિવૃત એસટી ડ્રાઇવર દામજી જેઠાલાલ ભદ્રાને દિ.પ્લોટ 58 વિસ્તારમાં જાહેરમાં વર્લી મટકાનો જુગાર રમતા રોકડા 500 અને ચિઠ્ઠી સાથે દબોચી લીધો હતો તેમજ હાપા જવાહરનગર 1માં રહેતા ગૌતમ ઉર્ફે ગો સુરેશ ગોહિલ તથા જવાહરનગર-1માં રહેતા પુંજા સોમા ગોહિલ નામના શખ્સોને જામનગર-રાજકોટ હાઇવે પર જાહેરમાં વર્લી મટકાના આંકડાનો જુગાર રમતા પકડી લીધા હતા, અનુક્રમે એક પાસેથી 430ની રોકડ અને બીજા પાસેથી 240ની રોકડ તથા સાહિત્ય મળી આવ્યુ હતું.

આ ઉપરાંત જામજોધપુરના ઘાસના ગોડાઉન પાસે રહેતા જેન્તી મગન ઝીંઝુવાડીયા નામના શખ્સને ટાઉન વિસ્તારમાં સર્કલ પાસેથી જાહેરમાં વર્લી મટકાનો જુગાર રમતા રોકડા 120 અને કાપલી સાથે દબોચી લીધો હતો.