પાંચ વર્ષમાં રિટલ કારોબાર $100 બિલિયન વધવાની ધારણા છે. ડેલોઇટ અને આરએઆઈના અહેવાલ મુજબ, ઓનલાઈન વ્યવસાય 103 અરબ ડોલરથી વધીને 325 અરબ ડોલર થશે. રિપોર્ટમાં એવો પણ દાવો કરવામાં આવ્યો છે કે આગામી પાંચ વર્ષમાં એટલે કે 2030 સુધીમાં આપણા દેશની અર્થવ્યવસ્થા 7.3 લાખ કરોડ ડોલર સુધી પહોંચી જશે.

ડેલોઇટ અને રિટેલ એસોસિએશન ઓફ ઇન્ડિયા (RAI) માને છે કે વર્ષ 2030 સુધીમાં ભારતીય અર્થતંત્રનું કદ $7.3 ટ્રિલિયન સુધી પહોંચી જશે અને સંગઠિત છૂટક વેપારને આનો મોટો ફાયદો થશે. ખાદ્ય ઉદ્યોગથી લઈને કપડા, ફૂટવેર, એસી, ફ્રિજ, ટીવી જેવી ગ્રાહક ચીજવસ્તુઓ સાથે કાર, મોટરસાયકલ જેવી વસ્તુઓનો પણ વ્યવસાય વધશે.

અર્થતંત્રના કદમાં વૃદ્ધિ સાથે, 2030 સુધીમાં માથાદીઠ વાર્ષિક આવક રૂ. 3.40 લાખ ($4000) સુધી પહોંચવાનો અંદાજ છે. ડેલોઇટ અને આરએઆઈ દ્વારા બહાર પાડવામાં આવેલા અહેવાલ મુજબ, ખાનગી વપરાશમાં વધારાને કારણે, સંગઠિત છૂટક વ્યવસાય 2030 સુધીમાં $230 બિલિયન સુધી પહોંચી જશે જે વર્તમાન $132 બિલિયન છે.

રિટેલ બિઝનેસમાં દર વર્ષે 10% વૃદ્ધિ થવાની અપેક્ષા

સંગઠિત છૂટક વ્યવસાય દર વર્ષે 10 ટકાના દરે વધવાની અપેક્ષા છે. આગામી પાંચ વર્ષમાં ઓનલાઈન બિઝનેસ સરેરાશ 21 ટકાના દરે વધશે અને તેનો બિઝનેસ 103 બિલિયન ડોલરથી વધીને 325 બિલિયન ડોલર થશે. રિપોર્ટમાં કહેવામાં આવ્યું છે કે જેમ જેમ કોઈપણ દેશની અર્થવ્યવસ્થા અને માથાદીઠ આવક વધે છે તેમ તેમ ખાનગી વપરાશ વધે છે અને બચત ઘટે છે.