બાંગ્લાદેશમાં ફરી બળવો થાય તેવા એંધાણ વર્તાઈ રહ્યા છે અને મોહમ્મદ યુનુસ સરકારની ખુરશી જોખમમાં મુકાઈ શકશે છે.બાંગ્લાદેશના આર્મી ચીફ જનરલ વકર-ઉઝ-ઝમાને આશંકા વ્યક્ત કરી છે કે પ્રસ્તાવિત સામાન્ય ચૂંટણીઓ પહેલા બાંગ્લાદેશમાં ફરી એક વખત બળવો થઈ શકે છે.જનરલ ઝમાને ચેતવણી આપી હતી કે જો લોકો પોતાના મતભેદો ભૂલીને એક નહીં થાય તો દેશની સ્વતંત્રતા અને સાર્વભૌમત્વ જોખમમાં મુકાઈ શકે છે.
બાંગ્લાદેશના આર્મી ચીફ જનરલ દેશના લોકોને દેશભક્તિનો પાઠ શીખવી રહ્યા છે. તેઓ દેશના આંતરિક રાજકારણમાં સતત રસ લેતા પણ જોવા મળે છે.બાંગ્લાદેશના લોકો હાલમાં મોહમ્મદ યુનુસના શાસનની અરાજકતાથી પરેશાન છે. સત્તામાં આવ્યા પછી તેમણે જે સુંદર સપનાઓ બતાવ્યા હતા તે પૂરા કરવામાં તેઓ નિષ્ફળ ગયા છે. તે જ સમયે, શેખ હસીનાને સત્તા પરથી દૂર કરવામાં મહત્વપૂર્ણ ભૂમિકા ભજવનાર વિદ્યાર્થી નેતાનો પણ મોહમ્મદ યુનુસ પરથી વિશ્વાસ ઉઠી ગયો છે. તેઓ એક નવો રાજકીય પક્ષ પણ બનાવી રહ્યા છે.
સેના પ્રમુખે આપી ચેતવણી
આ દરમિયાન આર્મી ચીફ જનરલ વકાર-ઉઝ-ઝમાને ચેતવણી આપી હતી કે જો લોકો પોતાના મતભેદોને બાજુ પર નહીં રાખે અથવા એકબીજા પર દોષારોપણ કરવાનું બંધ ન કરે, તો દેશની સાર્વભૌમત્વ જોખમમાં મુકાઈ શકે છે." 2009માં પિલખાના ખાતે થયેલા બીડીઆર હત્યાકાંડની યાદમાં ઢાકાના રાવા ક્લબ ખાતે આયોજિત એક કાર્યક્રમમાં બોલતા તેમણે કહ્યું, "જો તમે તમારા મતભેદોને બાજુ પર નહીં રાખો અને સાથે મળીને કામ નહીં કરો અને એકબીજા પર દોષારોપણ કરશો , તો દેશની સ્વતંત્રતા અને સાર્વભૌમત્વ જોખમમાં મુકાશે."
કાયદો અને વ્યવસ્થાનું ધ્યાન સેના રાખશે
તેમણે આગળ કહ્યું, "હું તમને કહી દઉં, નહીંતર તમે કહેશો કે મેં તમને ચેતવણી આપી ન હતી. જ્યાં સુધી ચૂંટાયેલી સરકાર ન આવે ત્યાં સુધી સેના બાંગ્લાદેશની કાયદો અને વ્યવસ્થાનું ધ્યાન રાખશે." તેમણે કહ્યું કે સેના બાંગ્લાદેશના કાયદો અને વ્યવસ્થાનું ધ્યાન રાખી રહી છે અને જ્યાં સુધી ચૂંટાયેલી સરકાર સત્તામાં ન આવે ત્યાં સુધી આ ચાલુ રહેશે. તેમના નિવેદનને મોહમ્મદ યુનુસ માટે ખતરા તરીકે જોવામાં આવી રહ્યું છે.
લશ્કરી બળવાનો ભય
અગાઉ, આર્મી ચીફ જનરલ વકર-ઉઝ-ઝમાને પણ લશ્કરી બળવાની આશંકા વ્યક્ત કરી હતી. ૨૦૦૯ના ક્રૂર પિલખાના હત્યાકાંડના શહીદોની યાદમાં ઢાકાના રાવા ક્લબ ખાતે આયોજિત એક કાર્યક્રમને સંબોધતા તેમણે કહ્યું હતું કે જો કોઈ મુદ્દો કે સમસ્યા હોય તો તેને ચર્ચા દ્વારા ઉકેલવી જોઈએ. કોઈ પણ હેતુ વગર અહીં-તહીં દોડવાથી ફક્ત નુકસાન જ થાય છે. ઉલ્લેખનીય છે કે 25 ફેબ્રુઆરી 2009 ના રોજ બાંગ્લાદેશમાં એક લોહિયાળ લશ્કરી બળવો થયો હતો, જેને બાંગ્લાદેશ રાઇફલ બળવો અથવા પિલખાના હત્યાકાંડ તરીકે પણ ઓળખવામાં આવે છે. આ સમય દરમિયાન, બાંગ્લાદેશ રાઇફલ્સના એક યુનિટે ઢાકામાં બળવો કર્યો હતો.
એપ્રિલમાં મોદી અને યુનુસ વચ્ચે મુલાકાતની સંભાવના
વડા પ્રધાન નરેન્દ્ર મોદી ટૂંક સમયમાં બાંગ્લાદેશના વચગાળાના સરકારના વડા મોહમ્મદ યુનુસને મળી શકે છે. આ બેઠક આ વર્ષે એપ્રિલમાં બેંગકોકમાં યોજાનારી બીઆઈએમએસટીઈસી સમિટ દરમિયાન થઈ શકે છે. ઓગસ્ટ 2024 માં બાંગ્લાદેશમાં શેખ હસીના સરકારના પતન પછી, મોહમ્મદ યુનુસ ત્યાં મુખ્ય સલાહકારની ભૂમિકામાં છે, પરંતુ અત્યાર સુધી તેમણે પીએમ મોદી સાથે કોઈ વાતચીત કરી નથી. હવે જ્યારે આ બે અગ્રણી નેતાઓ વચ્ચે વાતચીતની શક્યતા છે, ત્યારે બંને દેશો વચ્ચેનો તણાવ પણ ઓછો થવાની અપેક્ષા છે.હકીકતમાં, બંને પડોશીઓ વચ્ચેના સંબંધો અત્યાર સુધીના સૌથી ખરાબ તબક્કામાં છે. ભારત સરકાર બાંગ્લાદેશમાં યુનુસના નેતૃત્વ હેઠળના વહીવટ પર લઘુમતીઓ પર અત્યાચાર કરવાનો સતત આરોપ લગાવી રહી છે, જ્યારે બાંગ્લાદેશ ભારતે શેખ હસીનાને આશ્રય આપ્યો છે તેનાથી નારાજ છે.
બીઆઈએમએસટીઈસી એ સાત દેશોનો સમૂહ
બીઆઈએમએસટીઈસીમાં બાંગ્લાદેશ, ભૂટાન, ભારત, મ્યાનમાર, નેપાળ, શ્રીલંકા અને થાઇલેન્ડનો સમાવેશ થાય છે. આ જૂથ બંગાળની ખાડીને અડીને આવેલા આ દેશો વચ્ચે ટેકનિકલ અને આર્થિક સહિત ઘણા ક્ષેત્રોમાં સહયોગ માટે એક પહેલ છે. પીએમ મોદીએ છેલ્લે 2018 માં નેપાળના કાઠમંડુમાં આયોજિત બીઆઈએમએસટીઈસી સમિટમાં હાજરી આપી હતી. છેલ્લી બીઆઈએમએસટીઈસી સમિટ 2022 માં શ્રીલંકા દ્વારા વર્ચ્યુઅલ રીતે યોજાઈ હતી.
વિદ્યાર્થીઓની નવી પાર્ટી બનાવવા નાહિદે રાજીનામું આપ્યું
બાંગ્લાદેશની વચગાળાની સરકારના સલાહકાર અને વિદ્યાર્થી નેતા નાહીદ ઈસ્લામે નવી રાજકીય પાર્ટી શરૂ કરવાની ચર્ચા વચ્ચે મોહમ્મદ યુનુસ સરકારમાંથી રાજીનામું આપી દીધું છે. ઇસ્લામે યુનુસને લખેલા પોતાના પત્રમાં લખ્યું છે કે વર્તમાન સંજોગોમાં રાષ્ટ્ર અને તેના લોકોના હિતમાં મારે દેશમાં વિદ્યાર્થીઓ સાથે ઉભા રહેવું જોઈએ. આ સંજોગોમાં હું મારી ભૂમિકા તેમની સાથે જોઉં છું. એટલા માટે હું રાજીનામું આપી રહ્યો છું.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationસોનાના ભાવમાં મોટો ઘટાડો, 1300 રૂપિયાથી વધુનો ઘટાડો, ચાંદીના ભાવ પણ તૂટ્યા
April 04, 2025 10:44 PMટ્રમ્પના ટેરિફની અસર, અમેરિકી શેરબજારમાં સતત બીજા દિવસે ઘટાડો, ડાઉ જોન્સમાં 1450 પોઇન્ટનો ઘટાડો
April 04, 2025 10:42 PMઓસ્ટ્રેલિયામાં લોકોની મહેનતની કમાણી પર હેકર્સની નજર, પેન્શન ફંડના 20 હજારથી વધુ ખાતા હેક
April 04, 2025 10:41 PMસુરતમાં જૈન મુનિ શાંતિસાગર દુષ્કર્મ કેસમાં દોષિત જાહેર, આવતીકાલે સજા
April 04, 2025 09:19 PMCopyright © 2023-2024 Aajkaal Daily
Developed by Rhythm Infotech