વિશ્વભરના મોટાભાગના યુવાનોમાં ચ્યુઇંગ ગમ ખાવાનો ટ્રેન્ડ છે. ખાસ કરીને યુવાનોને સ્કુલ બસ, કોલેજ, મેટ્રો અને મુસાફરી દરમિયાન મોટાભાગની જગ્યાએ ચ્યુઈંગ ગમ ખાવાનું ગમે છે. ચ્યુઈંગ ગમ ખાઈને અભ્યાસ કરવો એ ફાયદાકારક છે. ચ્યુઇંગ ગમ ખાઈને અભ્યાસ કરવાથી અભ્યાસ સારો થાય છે. આ વાત એક સંશોધનમાં બહાર આવી છે.

ભારત સહિત સમગ્ર વિશ્વમાં યુવાનો ચ્યુઇંગ ગમ ખાવાનું પસંદ કરે છે. ક્રિકેટર્સથી લઈને ફિલ્મ સ્ટાર્સ સુધી દરેક વ્યક્તિ અવારનવાર ચ્યુઈંગ ગમ ખાતા જોવા મળે છે. ઘણીવાર લોકો મુસાફરી દરમિયાન અને તેમના ફ્રી ટાઇમમાં ચ્યુઇંગ ગમ ખાવાનું પસંદ કરે છે.

સંશોધનમાં જાણવા મળ્યું છે કે ચ્યુઇંગ ગમ ખાવાથી અભ્યાસ દરમિયાન સ્કોર સુધરે છે. સેન્ટ લોરેન્સ યુનિવર્સિટીના સાયકોલોજીના આસિસ્ટન્ટ પ્રોફેસર સર્જ ઓનિપારે એક સંશોધન કર્યું હતું. જેમાં તેઓએ અવલોકન કર્યું હતું કે જે વિદ્યાર્થીઓએ પરીક્ષા આપવ જતા પહેલાં પાંચ મિનિટ સુધી ચ્યુંઈંગ ગમ ખાઈને જેઓ પરીક્ષા આપવા ગયા તેઓએ  પરીક્ષામાં અન્ય વિદ્યાર્થીઓ કરતાં સારું પ્રદર્શન કરી શક્ય હતા. સંશોધન મુજબ, ચ્યુઇંગ ગમ મગજમાં લોહીનો પ્રવાહ વધારે છે અને મેમરી સુધારે છે. ચ્યુંઈંગ ગમની અસર ટેસ્ટની શરૂઆતની 20 મિનિટ કે તેથી વધુ સમય ચાલે છે. જો કે તેની અસર લાંબો સમય રહેતી નથી.

ચ્યુઈંગ ગમના ઘણા ફાયદા છે. જો ચ્યુઇંગમમાં ખાંડ હોય તો તેને ચાવવાથી દાંતને નુકસાન થઈ શકે છે પણ મોઢું સુકાવાની સમસ્યામાં રાહત મળી શકે છે. આ સિવાય ચ્યુઇંગ ગમ કેલેરી પણ બર્ન કરે છે, જે વજન ઘટાડવામાં મદદ કરે છે. આ સિવાય ચ્યુઇંગ ગમ મગજમાં લોહીના પ્રવાહને વેગ આપે છે. જે યાદશક્તિમાં સુધારો કરે છે. તેને ચાવવાથી સ્ટ્રેસમાંથી પણ રાહત મળી શકે છે. ચ્યુઇંગ ગમ એલર્ટ રહેવામાં મદદ કરે છે. જો થાકી ગયા હોય અને છતાં કામ કરવાનું જ છે તો ચ્યુઇંગ ગમ સક્રિય રહેવામાં મદદ કરશે. તે ગર્ભાવસ્થા દરમિયાન મોશન સિકનેસ અને મોર્નિંગ સિકનેસથી રાહત મેળવવામાં પણ મદદરૂપ છે.