રાજકોટ શહેર જિલ્લ ામાં રીયલ એસ્ટેેટમાં કડાકો બોલ્યો હોય તેમ ગત માસે ઓકટોબર મહિનાની સરખામણીમાં ૪૮૦૦થી વધુ દસ્તાવેજો ઓછા નોંધાયા છે એટલે કે, મિલકત લે–વેચના સોદાઓ નવેમ્બર માસમાં ગોટે ચડેલા રહ્યા હતા. જેના કારણે સરકારી તિજોરીને પણ ફી, સ્ટેમ્પ ડયુટીની આવકમાં ૨૦ કરોડ જેવી આવક ઘટી અને નફામાં નુકસાન થયું છે. એક માત્ર મોરબી રોડ પર તેજી દેખાઈ હતી.
જમીન, મકાન, બંગલા, ફલેટ, પ્લોટ કે આવી મિલકતોમાં વેચાણના સબ રજીસ્ટર કચેરીના સુત્રોમાંથી મળેલા આંકડા મુજબ રાજકોટ શહેર જિલ્લ ાની ૧૮ નોંધણી કચેરીઓ પર ૯૬૪૫ દસ્તાવેજ નોંધાયા હતા. જેમાં સરકારને ફી પેટે ૭૬,૪૬,૬૩,૦૨૫ની આવક થઈ છે અને સ્ટેમ્પ ડયુટીની ૪૩,૩૯,૨૯,૭૧૬ રૂપિયા મળ્યા છે. કુલ ગત માસે ૫૧,૦૩,૯૨,૭૪૧ની આવક સરકારી તિજોરીમાં આવી છે. નવેમ્બર માસમાં નોંધાયેલા દસ્તાવેજોની સરખામણીએ ઓકટોબર માસમાં ૧૪,૪૪૮ દસ્તાવેજ નોંધાયા હતા જે જોતા ગત માસે ૪૮૩૯ દસ્તાવેજ ઓછા બન્યા છે.
દસ્તાવેજ ઓછા થતાં મિલકતોમાં લે–વેચના સોદા ઘટયા તે સ્પષ્ટ્ર થઈ શકે અને સોદા ઓછા થતાં નવેમ્બર માસ રીયલ એસ્ટેટમાં મંદો રહ્યાનું માની શકાય. જાણકારોનું એવું પણ છે કે, દિવાળીના તહેવારને લઈને થોડા દિવસ વેકેશનનો મુડ હતો તેવા કારણોસર પણ દસ્તાવેજ ઓછા નોંધાયા હોય અને અત્યારે જે રીતે જંત્રીનો મુદ્દો ગોટાળે ચડયો છે તેની પણ રીયલ એસ્ટેટમાં અસર દેખાઈ હોય શકે. ગત માસે સોદા ઘટતા સરકારને પણ રેવન્યુમાં ૨૦ કરોડ જેવી રકમનો ઘટાડો થયો છે.
 સબ રજીસ્ટાર કચેરીના સુત્રોમાંથી જાણવા મળ્યા મુજબ રાજકોટ જિલ્લ ામાં સૌથી વધુ દસ્તાવેજ રાજકોટ–૨ મોરબી રોડ પરની કચેરીમાં ૧૧૪૮ દસ્તાવેજ નોંધાયા છે. ત્યાર બાદ બીજા ક્રમે ગોંડલમાં તેજી દેખાઈ છે ત્યાં ૯૭૭ દસ્તાવેજ નોંધાયા હતા. આ ઉપરાંત રાજકોટ–૩ રતનપરમાં ૭૦૯ મિલકતોના લે–વેચના સોદાના દસ્તાવેજની નોંધણી થઈ હતી.
જયારે સૌથી ઓછા વિંછીયામાં ૮૦, ઉપલેટામાં ૩૩૪, પડધરીમાં ૧૮૪, જામકંડોરણામાં ૮૯, ધોરાજીમાં ૨૪૩, રાજકોટ રૂરલમાં ૬૨૭, રાજકોટ–૪માં ૬૯૭, રાજકોટ–૭ કોઠારીયામાં ૫૭૯, રાજકોટ–૬ મવડીમાં ૮૬૧, રાજકોટ–૫ મવામાં ૫૬૮, જેતપુરમાં ૫૩૨, રાજકોટ–૧માં ૬૯૧, જસદણમાં ૩૩૩, લોધીકામાં ૬૭૨ અને કોટડાસાંગાણીમાં ૩૨૧ દસ્તાવેજોની નવેમ્બર માસમાં નોંધણી થઈ છે