રતન ટાટાએ દુનિયાને અલવિદા કહી દીધું છે, પરંતુ તેઓ હંમેશા દેશવાસીઓના દિલમાં રાજ કરશે. તેઓ એક મોટા ઉદ્યોગપતિ હતા, બિઝનેસની સાથે તેમણે દેશ પ્રત્યેની પોતાની જવાબદારીઓ પણ ખૂબ સારી રીતે નિભાવી હતી. આજે દરેક વ્યક્તિ તેના અંગત જીવન વિશે જાણવા માંગે છે, તેના પરિવારમાં કોણ કોણ છે?
રતન ટાટા પાસે બધું જ હતું પરંતુ તેમને એક પીડા હતી. જેનો ઉલ્લેખ તેમણે તેમના મેનેજર શાંતનુના સ્ટાર્ટઅપ ગુડફેલોની શરૂઆત દરમિયાન કર્યો હતો. તેમણે કહ્યું હતું, ’તમને ખબર નથી કે એકલા રહેવું શું છે? જ્યાં સુધી તમે એકલા રહેવા મજબૂર નથી થતા ત્યાં સુધી તમને ખ્યાલ નહીં આવે. 85 વર્ષના બેચલર રતન ટાટાએ કહ્યું હતું કે જ્યાં સુધી તમે ખરેખર વૃદ્ધ ન થાઓ ત્યાં સુધી કોઈને પણ વૃદ્ધ થવાનું મન થતું નથી.
બહુ ઓછા લોકો જાણતા હશે કે ભારતના મહાન ઉદ્યોગપતિ અને પરોપકારી રતન ટાટા ચાર વખત પ્રેમમાં પડ્યા પરંતુ લગ્ન ન કર્યા  પરંતુ આ પ્રેમ અધૂરો રહી ગયો. એક ઇન્ટરવ્યુમાં રતન ટાટાએ તેમની લવ સ્ટોરી વિશે જણાવ્યું હતું કે તેઓ ચાર વખત પ્રેમમાં પડ્યા અને દરેક વખતે લગ્નની નજીક આવ્યા. જો કે સંજોગોએ તેને હંમેશા પીછેહઠ કરવાની ફરજ પાડી. તેમણે એ સમયને યાદ કર્યો જ્યારે તેઓ અમેરિકામાં હતા ત્યારે તેઓ કોઈની સાથે લગ્ન કરવાના હતા પરંતુ 1962ના ભારત-ચીન સંઘર્ષે બધું બદલી નાખ્યું.
તે ઈન્ટરવ્યુમાં ટાટાએ કહ્યું હતું કે જયારે હું અમેરિકામાં કામ કરતો હતો ત્યારે કદાચ તે સૌથી ગંભીર બાબત હતી. અમે લગ્ન ન કયર્નિું એકમાત્ર કારણ એ હતું કે હું ભારત પાછો આવી ગયો અને તેણે મારી પાછળ આવવાનું હતું પરંતુ તે ભારત-ચીન સંઘર્ષનું વર્ષ હતું અને આખરે તેણે અમેરિકામાં કોઈ બીજા સાથે લગ્ન કરી લીધા.
અભિનેત્રી અને ટોક શોની હોસ્ટ સિમી ગ્રેવાલે પણ 2011માં એક ઈન્ટરવ્યુમાં રતન ટાટાને ડેટ કયર્નિો સ્વીકાર કર્યો હતો. ટાટાનું વર્ણન કરતાં તેણીએ કહ્યું હતું કે તેઓ એક ઉત્તમ વ્યક્તિ છે, તેમની પાસે સેન્સ ઓફ હ્યુમર છે, તે નમ્ર સ્વભાવના અને એક પરફેક્ટ જેન્ટલમેન છે. પૈસા ક્યારેય તેમનું પ્રેરણા સ્ત્રોત નથી રહ્યું. તેમ છતાં અભિનેત્રી અને ટાટાનો રોમાંસ લગ્નમાં ન પરિણમ્યો પરંતુ બંને ગાઢ મિત્રો રહ્યા.
રતન ટાટાને લોસ એન્જલસમાં એક કંપ્નીમાં કામ કરતી વખતે પ્રેમ થઈ ગયો હતો, પરંતુ તેઓ તે છોકરી સાથે લગ્ન કરવાના હતા. પછી અચાનક તેને ભારત પરત ફરવું પડ્યું કારણ કે તેની દાદીની તબિયત સારી ન હતી. રતન ટાટાને લાગ્યું કે તેઓ જેને પ્રેમ કરતા હતા તે મહિલા પણ તેમની સાથે ભારત આવશે. રતન ટાટાના કહેવા પ્રમાણે, ’1962ના ભારત-ચીન યુદ્ધને કારણે તેના માતા-પિતા છોકરીના ભારત આવવાના પક્ષમાં નહોતા અને આ રીતે તેમનો સંબંધ તૂટી ગયો હતો.’