જામજોધપુરના ધ્રાફા ગામની યુવતિને મેણાટોણા મારી દુ:ખત્રાસ દઇને ધમકી દીધાની પતિ સામે ફરીયાદ કરવામાં આવી છે.જામજોધપુરના ધ્રાફા ગામમાં રહેતી કોમલબા હરદીપસિંહ પરમાર (ઉ.વ.૩૫) નામની પરિણીતાએ ગઇકાલે શેઠવડાળા પોલીસમાં સુરેન્દ્રનગરના કૃષ્ણનગર કલેકટર કચેરી પાછળ રહેતા હરદીપસિંહ વિક્રમસિંહ પરમારની વિરુઘ્ધ આઇપીસી કલમ ૪૯૮(અ), ૫૦૪, ૫૦૬(૨) મુજબ ફરીયાદ નોંધાવી છે. ફરીયાદીને સાતેક વર્ષ પહેલા મગજમાં મસાની તકલીફ હોવાથી અમદાવાદ ખાતે ઓપરેશન કરાવેલ હોય જેની હાલ દવા ચાલુ હોય તેણીને શારીરીક નબળાઇ રહેતી હોય અને ઘરકામ થતું ન હોય આ બાબતે ફરીયાદીના પતિ દ્વારા અવાર નવાર મેણાટોણા મારી શારીરીક, માનસીક દુ:ખત્રાસ અને અપશબ્દો બોલી જાનથી મારી નાખવાની ધમકી આપી હતી. ફરીયાદના આધારે પોલીસ દ્વારા તપાસ ચલાવવામાં આવી રહી છે.