​​​​​​​રાજકોટમાં કથિત કલ્કી અવતાર તરીકે પોતાને ઓળખ આપનાર રમેશ ચંદ્ર ફરી વિવાદમાં આવ્યા છે. ભગવાન પરશુરામ ભગવાનને રાક્ષસ કહ્યા તેમજ વડાપ્રધાન નરેન્દ્ર મોદીને દુર્યોધન તરીકે ગણાવ્યા છે.

આજે મીડિયા સમક્ષ કથિત કલ્કી અવતાર તરીકે પોતાને ઓળખ આપનાર રમેશચંદ્ર ફેફરે વિવાદિત નિવેદન આપ્યા છે. જેમાં ભગવાન પરશુરામને રાક્ષસ ગણાવી, બ્રાહ્મણો વિધર્મી છે અને નરકમાં જશે તેવું જણાવ્યું છે. જેટલા પર બ્રાહ્મણો મંદિરમાં પૂજા કરે છે તે નરકમાં જશે. તેમજ જે લોકો શરીર શ્રમ કરે છે જેવા કે જે લોકો શેરી વાળે છે, સ્વીગી, ઝોમેટોમાં ડિલિવરી માટે છે તેવા લોકો સ્વર્ગમાં જશે. આ સાથે હિન્દુ ધર્મને પાંખડી ગણાવ્યો છે. જેને લઇને હિન્દુ સમાજ અને ખાસ કરીને બ્રહ્મ સમાજમાં ભારે રોષ જોવા મળી રહ્યો છે.

આગામી ચૂંટણીને લઈને ચંદ્રયાન 3નું લેન્ડિંગ ખોટું છે તેવું ગણાવ્યું છે. દેશના વડાપ્રધાન નરેન્દ્ર મોદી દુર્યોધન હોવાનું ગણાવતા ખળભળાટ મચી ગયો છે.