પોરબંદર બરડા વિસ્તારમાં શિક્ષણ સાથે સહઅભ્યાસ પ્રવૃત્તિઓમાં અગ્રેસર રહેતી શ્રી. સ્વ. પી.એસ.એમ. ઠકરાર હાઇસ્કૂલ- પારવાડા ખાતે રાખડી સ્પર્ધા યોજાઇ હતી. શાળાની વિદ્યાર્થીની બહેનો દ્વારા અવનવી ડિઝાઇનમાં રાખડીઓ બનાવવામાં આવી હતી. ખાસ કરીને દેશભક્તિને લગતી રાખડીઓમાં ત્રીરંગા કલરની રાખડીઓ, શ્રાવણ મહિનામાં ખાસ ભોળાનાથની રાખડી, વિઘ્નહર્તા ગણપતિના ડિઝાઇનની રાખડીઓ તેમજ અવનવી રાખડીઓએ ખાસ આકર્ષણ જમાવ્યુ હતું. આ સ્પર્ધાથી બહેનોમાં ખૂબ ઉત્સાહ જોવા મળ્યો હતો.
આ કાર્યક્રમની સફળતા માટે શાળામાં શિક્ષિકા બહેનોએ વિદ્યાર્થીઓને ખાસ માર્ગદર્શન આપ્યુ હતું. શાળાના આચાર્ય એન.એમ. ડોડીયાએ વિદ્યાર્થીઓ અને સમગ્ર શાળા સ્ટાફને અભિનંદન આપ્યા હતા.