રાજકોટ TRP ગેમઝોન અગ્નિકાંડ મામલે RMCના વધુ બે અધિકારીઓની ક્રાઇમ બ્રાન્ચે કરી ધરપકડ કરી છે. જેમાં ATPO રાજેશ મકવાણા અને જયદીપ ચૌધરીની સાંજે ધરપકડ કરવામાં આવી છે.

ATPO રાજેશ મકવાણા

પ્રાપ્ત માહિતી પ્રમાણે આજે એટલે કે શનીવારે સાંજે RMCના વધુ બે અધિકારી ATPO રાજેશ મકવાણા અને જયદીપ ચૌધરીની ક્રાઇમ બ્રાન્ચ દ્વારા ધરપકડ કરવામાં આવી છે. મહત્વનું છે કે TRP ગેમઝોન આગકાંડ બાદ RMCના TP શાખામાં ખોટું રજીસ્ટર બનાવવા અંગે બંને અધિકારીની ધરપકડ કરવામાં આવી છે. હાલ તો SIT ટીમ પુરાવાઓ એકત્ર કરી આગળની તપાસ કરી રહી છે.

મુખ્યમંત્રી ભૂપેન્દ્ર પટેલે એક નિવેદનમાં જણાવ્યું હતું કે, વિકાસની પાછળ આપણે દોટ મુકીએ પણ જેના માટે આપણે વિકાસ કરી રહ્યા છે તેનું ધ્યાન રાખવું પણ એટલુંજ જરૂરી છે. તેમણે કહ્યું કે  રાજકોટ જેવી ઘટના ફરી ન બને તે માટે આપણે સૌએ ધ્યાન રાખવાનું છે. સાથે જ તેમણે કહ્યું કે ગેરકાયદેસર કામને આપણે શરૂઆતના તબક્કામાં જ અટકાવી દેવાનું છે.