Aajkaalteam

રાજકોટના ધોરાજીમાં સ્ટેટ વિજિલન્સ પોલીસ દ્વારા દરોડા પાડવામાં આવ્યા હતા. આ દરોડમા વરલી મટકાનો જુગાર રમતા પાંચ ઈસમને ઝડપી પાડવામાં આવ્યા હતા. મહત્વની વાત તો એ છે કે જુગારના અહેવાલ પ્રસિદ્ધ થયા બાદ પણ સ્થાનિક પોલીસ ઉંઘતી ઝડપાઈ હતી.

મળતી પ્રાથમિક માહિતી પ્રમાણે રાજકોટ શહેરના ધોરાજીમાં ધમધમતા જુગારના હાટડા ઉપર સ્ટેટ વિજિલન્સ પોલીસ ત્રાટકી હતી. ધોરાજી શહેરના બહારપુરા શાક માર્કેટ ચોક પાસેના વિસ્તારમાં એસએમસીના દરોડા પડ્યા હતા. આ દરોડા દરમિયાન જુગારીઓને ઝડપી પાડવામા આવ્યા હતા. વાત કરીએ તો પોલીસે વરલી મટકાનો જુગાર રમતા પાચ ઈસમને ઝડપી પાડવામાં આવ્યા હતા. પોલીસના દરોડા દરમિયાન રૂપિયા 12,630નો મુદ્દામાલ પોલીસ દ્વારા કબ્જે લેવામાં આવ્યો હતો અને કાયદેસરની કાર્યવાહી કરવામાં આવી હતી. સૌથી મહત્વની વાત તો એ છે કે જુગારના અહેવાલ સામે આવ્યા બાદ પણ સ્થાનિક પોલીસ ઉંઘતી ઝડપાઈ હતી.