રાજકોટ આર.ટી.ઓ. ખાતે આવતીકાલે વાહન માટેનો ડ્રાઈવીંગ ટેસ્ટ ટ્રેક બંધ રહેશે. આરટીઓ ખાતે કાર્યરત ફોર વ્હીલર અને ટુ વ્હીલર વાહનો માટેનો ઓટોમેટેડ ડ્રાઇવિંગ ટેસ્ટ ટ્રેક ટેકનિકલ કારણોસર બંધ રહેશે.

વિગતવાર વાત કરીએ તો આર.ટી.ઓ. રાજકોટ ખાતે કાર્યરત ફોર વ્હીલર અને ટુ વ્હીલર વાહનો માટેનો ઓટોમેટેડ ડ્રાઇવિંગ ટેસ્ટ ટ્રેક ટેકનિકલ કારણોસર આવતીકાલે તા.૪/૧૦/૨૦૨૪  ના રોજ બંધ રહેશે. જે અરજદારોએ ફોર વ્હીલર અને ટુ વ્હીલર વાહન માટે ટેસ્ટ ટ્રેકની અપોઈન્ટમેન્ટ લીધેલ છે તેમની એપોઇન્ટમેન્ટ પ્રાદેશિક વાહન વ્યવહાર કચેરી રાજકોટ દ્વારા રીસીડ્યુલ કરી આપવામાં આવશે, જેની રાજકોટ જિલ્લાની મોટરિંગ પબ્લિકને નોંધ લેવા તેમજ સહકાર આપવા પ્રાદેશિક વાહન વ્યવહાર અધિકારીશ્રી રાજકોટની યાદીમાં જણાવાયું છે.