રાજકોટના પોલીસ કમિશનર બ્રિજેશ કુમાર ઝાને રાષ્ટ્રપતિ એવોર્ડ માટે નામ જાહેર કરાયું છે. રાજકોટમાં ગેમ ઝોનમાં લાગેલી આગને કારણે 28 લોકોના મોત થયા હતા. આ મોટી દુર્ઘટના બાદ રાજ્ય સરકારે કડક કાર્યવાહી કરતા અનેક અધિકારીઓની બદલીઓ કરી હતી. આ ઘટના બાદ રાજ્ય સરકારે તત્કાલિન શહેરના પોલીસ કમિશનર રાજુ ભાર્ગવની બદલી કરી હતી. તેમના સ્થાને IPS અધિકારી બ્રિજેશ કુમાર ઝાને રાજકોટના નવા પોલીસ કમિશનર બનાવવામાં આવ્યા હતા. 

કોણ છે બ્રિજેશ કુમાર ઝા
બ્રિજેશ કુમાર ઝાએ રાજકોટના નવા પોલીસ કમિશનર તરીકેનો કાર્યભાર સંભાળ્યો હતો. અગાઉ તેઓ અમદાવાદ શહેરમાં સ્પેશિયલ પોલીસ કમિશનર, સેક્ટર-2 તરીકે કાર્યરત હતા. બ્રિજેશ કુમાર ઝા ગુજરાત કેડરના 1999 બેચના IPS અધિકારી છે. બ્રિજેશ ઝાના ફેસબુક પેજ મુજબ તે મૂળ ઝારખંડના દેવઘરના છે. તેમણે પોતાનો અભ્યાસ દિલ્હીની હિન્દુ કોલેજમાંથી કર્યો હતો.