રાજકોટ સહિત સૌરાષ્ટ્રમાં અષાઢી મેઘસવારી વરસતા પાક પાણીનું ચિત્ર પલટાઇ ગયું છે, સાર્વત્રિક મેઘમહેરથી લીલાલહેર થઇ ગયા છે. જામનગર, દ્વારકા અને પોરબંદર જિલ્લાના તમામ ડેમ ઓવરફ્લો થઇ ચુક્યા છે. રાજકોટ, મોરબી, અમરેલી અને સુરેન્દ્રનગર જિલ્લામાં હજુ પયર્પ્તિ વરસાદ ન હોય અનેક ડેમ ઓવરફ્લો થવાના બાકી છે. છેલ્લા 24 કલાકમાં રાજકોટ સિંચાઇ વિભાગ હેઠળના કુલ 82માંથી 21 ડેમ ઓવરફ્લો થયા છે જેમાં જામકંડોરણા તાલુકાનો સોડવદર ડેમ મોસમમાં પહેલી વખત ઓવરફ્લો થયો છે, અહીં ડેમસાઇટ ઉપર પણ પાંચ ઇંચ વરસાદ નોંધાયો છે. જ્યારે રાજકોટની ભાગોળે જામનગર રોડ ઉપર આવેલો ન્યારી-2 ડેમ છલકાતા દરવાજા ખોલાયા છે. વિશેષમાં રાજકોટ સિંચાઇ વર્તુળના સૂત્રોએ જણાવ્યું હતું કે જામ કંડોરના તાલુકામાં આવેલો કુલ 23.10 ફૂટની ઉંડાઇનો સોડવદર ડેમ ચાલુ ચોમાસે પહેલી વખત ઓવરફ્લો થયો છે, અહીં ડેમ સાઇટ ઉપર પણ 120 મીમી મતલબ કે પાંચ ઇંચ વરસાદ નોંધાયો છે. સોડવદર ડેમ ઓવરફ્લો થતાં હેઠવાસમાં આવેલા ધોરાજી તાલુકાના ઝાંઝમેર અને સુપેડી ગામના લોકોને નદીના પટમાં અવરજવર ન કરવા અને સાવચેત રહેવા જણાવાયું છે. રાજકોટની ભાગોળે જામનગર રોડ ઉપર આવેલો કુલ 20.70 ફૂટની ઉંડાઇના ન્યારી-2 ડેમમાં વધુ અડધો ફૂટ પાણી આવતા આજે સવારે ડેમ પૂર્ણ સપાટીએ ભરાયો હતો, દરમિયાન એક દરવાજો 0.075 મીટર ખોલવામાં આવતા નદીના પટમાં આવેલા પડધરી તાલુકાના ગોવિંદપર, રામપર, તરઘડી, વણપરી અને ખામટા સહિતના ગામોના લોકોને તાત્કાલિક સલામત સ્થળે ખસી જવા અને નદીના પટમાં તથા કાંઠા વિસ્તારમાં અવરજવર ન કરવા અને સાવચેત રહેવા જણાવ્યું છે. ન્યારી-2 ડેમ પણ ચાલુ ચોમાસે પહેલી વખત છલકાયો છે.
ભાદર-1, આજી-1 અને ન્યારી-1માં આવક
રાજકોટ શહેરને પીવાનું પાણી પુરૂ પાડતા ભાદર-1 ડેમમાં અડધો ફૂટ પાણી આવતા આજે સવારે સપાટી 20.60 ફૂટે પહોંચી છે. આજી-1માં 0.13 ફૂટ પાણી આવતા સપાટી 20.20 ફૂટે પહોંચી છે. ન્યારી-1માં 0.16 ફૂટ પાણી આવતા સપાટી 14.90 ફૂટે પહોંચી છે.
ભાદર-2ના દરવાજા ખોલતા એલર્ટ જાહેર
ધોરાજી તાલુકાના ભાદર-2 ડેમના દરવાજા ખોલતા ડેમના હેઠવાસના ભોળા, ભલગામડા, છાડવાવદર, સુપેડી, ડૂમીયાણી, ચીખલીયા, સમઢીયાળા, ગણોદ, ભીમોરા, ગાધા, હાડફોડી, ઇસરા, કુંડેચ, લાઠી મજેઠી, લાઠી, નીલાખા અને તલંગાણા સહિતના ગામોને સાવચેત રહેવા જણાવાયું છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર : ઉત્તર ભારતીયો દ્વારા છઠ્ઠ મૈયાની પૂજા-અર્ચના કરાઇ
November 07, 2024 07:37 PMટ્રમ્પ ફરી સત્તા પર આવવાથી બાંગ્લાદેશની વધી ચિંતા
November 07, 2024 05:43 PMયુપીના શાહજહાંપુરમાં ખેતરમાથી મળ્યો હથિયારનો ખજાનો
November 07, 2024 05:38 PMકર્ણાટકમાં બસ ડ્રાઈવરને ચાલુ બસે આવ્યો હાર્ટ એટેક, મહામહેનતે કંડક્ટરે બસ પર મેળવ્યો કાબુ
November 07, 2024 05:37 PMCopyright © 2023-2024 Aajkaal Daily
Developed by Rhythm Infotech