રાજકોટ મહાપાલિકાના પદાધિકારીઓ મુખ્યમંત્રી ભૂપેન્દ્ર પટેલની મુલાકાતે ગાંધીનગર પહોંચ્યા હતા. શહેરના પડતર પ્રશ્ન અને સાથે જ અલગઅલગ વિકાસના કામો અંગેની રજૂઆત મુખ્યમંત્રી ભૂપેન્દ્ર પટેલ સમક્ષ કરવામાં આવી હતી.

રાજકોટ મનપાના મેયર ડો.પ્રદિપ ડવ, સ્ટેન્ડિંગ ચેરમેન પુષ્કર પટેલ, ડે.મેયર કંચનબેન સિદ્ધપરા, શાસક પક્ષના નેતા વિનુ ઘવા અને દંડક સુરેન્દ્રસિંહ વાળા મુખ્યમંત્રી ભૂપેન્દ્રપટેલને મળ્યા હતા. શહેરની વિકાસની મુખ્ય યોજના આજી રિવરફ્રન્ટ અને રામનાથ મંદિર પરિસર વિકાસ યોજના અંગે અલગ ભંડોળની માંગણી કરવામાં આવી હતી. રામનાથ પરિસરના વિકાસ માટે વધુ રૂ.50 કરોડની અલગથી માંગ કરવામાં આવી તો સાથે જ વાવડી 14, મવડી 21 અને માધાપર  11 ટી.પી.ની લાંબા સમયથી મંજૂરી મળી નહિ હોવાથી તેની પણ રજૂઆતો કરવામાં આવી હતી.