રાજકોટમાં મુંબઈના પોલીસ ઇન્સ્પેક્ટર વતી 10 લાખની લાંચ લેતા સાગરીતને રાજકોટ ACB દ્વારા પકડી પાડવામાં આવ્યો છે. રાજકોટના વચેટીયા જયમીન સાવલીયાને મુંબઈના પોલીસ ઈન્સ્પેકટર દિગબર પાગર વતી રૂ.10 લાખની લાંચ સ્વીકારતા રંગે હાથે એસીબી દ્વારા ઝડપી લેવામાં આવ્યા છે.

રાજકોટના ફરિયાદીને ગુનાના કામે નિવેદન નોંધાવવા નોટિસ ઇસ્યુ કરી પરેશાન નહીં કરવા વચેટીયા મારફત PI એ 10 લાખની લાંચ માંગી હતી. રાજકોટ મદદનીશ નિયામક કે એચ ગોહિલ ACB પીઆઇ આર એન વિરાણી અને ટીમે છટકુ ગોઠવી રેસકોર્સ નજીક રાજકોટના વચેટીયા જયમીન સાવલિયાને લાંચ લેતા રંગે હાથ ઝડપી લીધો હતો.

એસીબી ટીમ જશે મુંબઈ

લાંચની રકમ મળી ગયાની મોબાઈલ પર માટુંગાના પીઆઇ દિગંબરએ પાગર સાથે વાતચીતનું રેકોર્ડિંગ કરી આરોપી જયમીન સાવલિયાની ધરપકડ કરી હતી. ત્યાર બાદ હવે પીઆઇને ઝડપી લેવા એસીબી ટીમ મુંબઈ જશે.