IPL 2024ની 65મી મેચમાં પંજાબ કિંગ્સે રાજસ્થાન રોયલ્સને 5 વિકેટે હરાવ્યું હતું. પંજાબે સિઝનમાં 5મી મેચ જીતી છે. ટીમે 10 પોઈન્ટ મેળવ્યા છે. બીજી તરફ પ્લેઓફમાં પહોંચી ગયેલું રાજસ્થાન સતત ચોથી મેચ હારી ગયું હતું.

IPLની 17મી સીઝનમાં બુધવારે પંજાબ કિંગ્સ અને રાજસ્થાન રોયલ્સ વચ્ચે એક મેચ રમાઈ હતી. આ મેચમાં સેમ કરનની કેપ્ટનશીપવાળી પંજાબ કિંગ્સે 5 વિકેટે જીત મેળવી હતી અને ગત મેચમાં હારનો બદલો સ્ટાઇલમાં લીધો હતો.

ઈન્ડિયન પ્રીમિયર લીગ (IPL) 2024 સીઝનમાં મેચ રાજસ્થાન રોયલ્સ (RR) અને પંજાબ કિંગ્સ (PBKS) વચ્ચે રમાઈ રહી છે. આ મેચ ગુવાહાટીના બરસાપારા ક્રિકેટ સ્ટેડિયમમાં રમાઈ રહી છે, જેમાં રાજસ્થાનની ટીમે ટોસ જીતીને પ્રથમ બેટિંગ કરીને 145 રનનો લક્ષ્યાંક આપ્યો હતો. 

મેચમાં ટોસ જીતીને પ્રથમ બેટિંગ કરવા ઉતરેલી રાજસ્થાનની ટીમે 42 રનમાં 3 વિકેટ ગુમાવી દીધી હતી. ત્યારબાદ 92 અને 102 રન વચ્ચે વધુ 3 વિકેટો પડી ગઈ હતી. પરંતુ રિયાન પરાગે લીડ જાળવી રાખી અને શાનદાર ઇનિંગ રમીને ટીમનું સન્માન બચાવ્યું. રાજસ્થાને 9 વિકેટ ગુમાવીને 144 રન બનાવ્યા હતા.

રિયાન પરાગ ફિફ્ટી ચૂકી ગયો. તેણે 34 બોલમાં 48 રનની ઇનિંગ રમી હતી. જ્યારે રવિચંદ્રન અશ્વિને 28 રન બનાવ્યા હતા. તેના સિવાય અન્ય કોઈ બેટ્સમેન 20 રનના આંકને સ્પર્શી શક્યો નહોતો. પંજાબ તરફથી સેમ કરન, હર્ષલ પટેલ અને રાહુલ ચહરે 2-2 વિકેટ લીધી હતી. જ્યારે અર્શદીપ સિંહ અને નાથન એલિસને 1-1 વિકેટ મળી હતી.