લાંબા દિવસો બાદ છેલ્લ ા બે દિવસથી અનેક ગ્રામ્ય તથા ગીર વિસ્તારમાં વરસાદના આગમનથી વાતાવરણમાં ઠંડક પ્રસરી હતી. ઉના તથા કોડીનારના ગ્રામ્ય વિસ્તારોમાં તેમજ ગીર નજીકનાં ગામોમાં વરસાદ વરસતાં રસ્તા પર પાણી ફળી વળ્યા હતા.
જોકે કોડિનાર તાલુકાનાં અરણેજ, કાંટાળા, માલગામ, બાવાના પીપળવા સહિતના ગામોમાં વરસાદ વરસ્યો હતો. તો ઉનાના કંસારી, સહિત આજુબાજુના ગામોમાં વરસાદ વરસતા ઠંડક પ્રસરી હતી. જેથી ગરમીના ભારે ઉકળાટથી થોડીક રાહત મળી હોય. જોકે હાલ વરસાદી માહોલ વચ્ચે કયાંક અમી છાંટણા તો કયાંક ધોધમાર વરસાદ વરસ્યો હતો. તો કયાંક ભારે તડકો અને ઉકળાટ થઇ રહ્યો છે.
તાલાલા ગીરના ધાવા ગામ અને આસપાસના વાડી વિસ્તારમાં આજે સતત બીજા દિવસે પણ ધોધમાર વરસાદ વરસ્યો હોય જોકે આસપાસના ગામોમાં વરસાદ નહીં પડતા લોકો ગરમીના ઉકળાટથી ભારે પરેશાની વેઠી રહ્યા છે. આમ બીજા દીવસે તાલાલા, કોડિનાર, ઉના, ગીરગઢડા પંથકમાં બપોર બાદ વાતાવરણમાં પલ્ટો આવ્યાં બાદ ગ્રામ્ય વિસ્તારોમાં વરસાદ પડો હતો