ભાવનગર જિલ્લામાં આજે  બુધવારે  યલો એલર્ટ સાથે વરસાદની આગાહી વચ્ચે બપોર સુધી જિલ્લામાં મેઘરાજાએ વિરામ પાળ્યો હતો.મહત્તમ તાપમાન ઘટીને ૩૧.૪ ડિગ્રી રહયું હતું.જ્યારે લઘુતમ તાપમાન ૨૫.૩ ડિગ્રી રહયું હતું. પાલિતાણાના શેત્રુંજી ડેમમાં હાલ પાણીની આવક ૪૦૦ ક્યુસેક શરૂ છે.ડેમની સપાટી  આજે વધીને બપોરે ૨૭.૪ ફૂટ રહી હતી.
હવામાન વિભાગ દ્વારા ભાવનગર જિલ્લામાં આજે બુધવારે  ભારે વરસાદની આગાહી કરવામાં આવી હતી. પરંતુ આજે બપોર સુધી મેઘવિરામ રહયો હતો. ભાવનગર શહેરના લોકો સારા ધોધમાર વરસાદની રાહમાં છે.
પાલિતાણાના શેત્રુંજી ડેમમાં હાલ ૪૦૦ ક્યુસેક  પાણીની આવક શરૂ છે. આથી ડેમની સપાટી બે ઈંચ વધીને આજે બપોરે ૨૭.૪  ફૂટ રહી હતી. પાલિતાણાના શેત્રુંજી ડેમમાં પાણીની આવક સારા પ્રમાણમાં થતાં લોકો અને ખેડૂતો ખુશખુશાલ થયા છે.
ભાવનગર શહેરમાં  મહત્તમ તાપમાન ૧.૨ ડિગ્રી ઘટીને ૩૧.૪ ડિગ્રી રહયું હતું.ભેજ વધુ રહેતા અસહય બફારો લોકોને રોજ તોબા પોકરાવી દે છે.દરરોજ વાદળો છવાય છે,સામાન્ય ઝાપટા પડે છે.ભાવનગર શહેરમાં લોકો સારા વરસાદની રાહમાં છે. શહેરનું મહત્તમ તાપમાન ૧.૨ ડિગ્રી ઘટીને ૩૧.૪ ડિગ્રી રહયું હતુ. લઘુતમ તાપમાન ૦.૩ ડિગ્રી ઘટીને ૨૫.૩ ડિગ્રી નોંધાયુ હતુ. આજે બુધવારે સવારે ભેજ વધીને ૯૨ ટકા  રહયો હતો.જ્યારે પવનની ઝડપ આજે સવારે ૧૨ કિ.મી. રહી હતી. 
ભાદરવા માસના પ્રારંભમાં ગરમીનું જોર વઘ-ઘટ થયા કરે છે. પરંતુ ભેજ વધુ રહેતા બફારો વધ્યો છે.આથી લોકો ભારે ત્રસ્ત થયા છે. સપ્ટેમ્બર મહિનાના પ્રથમ સપ્તાહમાં  લઘુત્તમ અને મહત્તમ તાપમાનમાં વઘ -ઘટ થયા કરે છે.