જામનગર રેલ્વે પોલીસ દ્વારા લાખોના મુદામાલ રીકવર કરીને આ અંગે મુળ માલિકને શોધીને પરત આપવાની સરાહનીય કામગીરી કરવામાં આવી છે. સને 2024ના વર્ષ દરમ્યાન રેલવે મુસાફરોના ગુમ થયેલ, ચોરી થયેલ, હોય તેવા કુલ 41 મોબાઇલ તેમજ 13640 ની રોકડ, એક મોટરસાયકલ, શુટીંગ કેમેરો, જે તમામની કુલ કિંમત ા. 8,54,383 નો મુદામાલ રીકવર કરી તેના મુળ માલિકને શોધીને પરત સોંપી આપવાની કામગીરી જામનગર રેલ્વે પોલીસ દ્વારા કરવામાં આવી છે. આ કામગીરીમાં જામનગર રેલ્વેનાં પીએસઆઇ પી.વી.ડોડીયા, એ.એસ.આઇ. સહદેવસિંહ તથા માલદેભાઇ, ભીમશીભાઇ, દેવાયતભાઇ, દીપુરાજસિંહ, નિલેશભાઇ, ભરતભાઇ, લોકરક્ષક યુવરાજસિંહ, ટેકનીકલ સેલ, રેલ્વે અને આઉટ સોર્સનો સ્ટાફ, જોડાયો હતો.