હરિયાણા અને જમ્મુ-કાશ્મીરમાં વિધાનસભા ચૂંટણી માટે મતગણતરી શરૂ થઈ ગઈ છે. આજે હરિયાણાના તમામ 22 જિલ્લાઓની 90 વિધાનસભા બેઠકો અને જમ્મુ-કાશ્મીરના તમામ 20 જિલ્લાઓની 90 બેઠકો પર ઉમેદવારોના ભાવિનો નિર્ણય થશે. આ દરમિયાન કોંગ્રેસ નેતા રાહુલ ગાંધી અને પ્રિયંકા ગાંધીને લઈને એક મોટું અપડેટ સામે આવ્યું છે. મળતી માહિતી મુજબ રાહુલ ગાંધી અને પ્રિયંકા ગાંધી બંને વિદેશમાં છે. રાહુલ ગાંધી આજે સાંજ સુધીમાં પરત ફરશે કે નહીં તે અંગે હજુ સુધી કોઈ અપડેટ નથી. પ્રિયંકા ગાંધીને પરત ફરતા હજુ થોડા દિવસો લાગશે. રાહુલ ગાંધી આજે પરત ફરશે કે નહીં તે અંગે સત્તાવાર નિવેદનની રાહ જોવાઈ રહી છે. હાલના ટ્રેન્ડ મુજબ કોંગ્રેસ હરિયાણામાં પૂર્ણ બહુમતી સાથે સરકાર બનાવી શકે છે. આ વખતે ભાજપ હરિયાણામાં હેટ્રિકથી દુર થઇ શકે છે. જમ્મુ-કાશ્મીરમાં નેશનલ કોન્ફરન્સ અને કોંગ્રેસના ગઠબંધનને જીત મળવાની શક્યતા પણ વ્યક્ત કરવામાં આવી છે.
આજે જમ્મુ અને કાશ્મીર વિધાનસભાની ચૂંટણીની મતગણતરી પહેલા પૂર્વ નાયબ મુખ્યમંત્રી અને ભાજપ્ના નેતા કવિન્દર ગુપ્તાએ કહ્યું હતું કે, ભાજપે જમ્મુ અને કાશ્મીરના લોકોને વિકાસના માર્ગે આગળ ધપાવ્યો છે, તેમને પથ્થરબાજીથી મુક્ત કયર્િ છે. અલગતાવાદ, આતંકવાદ, ભ્રષ્ટાચાર અને વંશવાદથી મુક્ત કયર્િ છે, તેથી અમે જે રીતે બુલેટથી બેલેટ તરફ, આતંકવાદથી પર્યટન તરફ આગળ વધ્યા છે, લોકોએ ભાજપ્ને મત આપ્યો છે અને તે સૌથી મોટી પાર્ટી તરીકે ઉભરી આવશે. એક્ઝિટ પોલ અંગે તેમણે કહ્યું કે, એક્ઝિટ પોલના ડેટા અને અમારા ડેટામાં ફરક છે. અમે લોકોની વચ્ચે રહ્યા છીએ. અમે લોકોનો અભિપ્રાય જાણીએ છીએ. પરિણામ ભાજપ્ની તરફેણમાં આવશે.